Author Archives: မောင်ယုပိုင်

မှတ်သားဖွယ်ဘ၀ရေချိန်

0
Posted by မောင်ယုပိုင် on August 4, 2010 – 6:22 pm
Filed under အရေးအသား

- Gartentor (1914) by August Macke (1887–1914)

ဘာအကောင်းကျန်သေးလဲ၊ ဆန့်ထုတ်မရ ဆိုင်းထားမရ အရွယ်ကောင်းလူငယ် သက်တမ်း ကုန်ဖို့ လေးငါးနှစ်ပဲ ကျန်တော့တယ်။ ရွာကမ္ဘာငယ်တစ်ခုမှာ အသက်၊ အလုပ်အကိုင်၊ ပညာ အရည်အချင်း၊  နေရပ်လိပ်စာ၊ မိသားစု၊ သန်းငါးဆယ်မှာ တစ်ယောက်ရတဲ့ အမျိုးသား မှတ်ပုံတင်အမှတ်နဲ့ ဘ၀ဟာ ကျိန်စာမဆန်လွန်းဘူးလား။ ဂိုဒေါ့ကိုစောင့်နေတဲ့ စောက်ရူးတွေ မဟုတ်ဘူးလား။ အခြားထူးခြားချက်ရှိပေမယ့် ဖေါ်ပြလို့မရဘဲ ဒိထက် ကျယ်လာဖို့မရှိတဲ့ ကိုယ် ရေးအကျဉ်း ကိုလွန်ခဲ့တဲ့၂၇နှစ်အတိုင်း မိတ္တူကူးဖြည့်သွင်းတင်ပြရုံပဲ။ မောင်ယုပိုင်ဝဲ့ပ်ပေ့ခ်ျ တွေ လည်း ပျင်းစရာကောင်းလာတယ်။ အဟောင်းတွေထုတ်ပြပြီး မန်ဘာတွေ စည်းရုံးရတာ လွယ် ပါတယ်။ လိပ်ပြာသန့်ချင်ရင်တော့ အိမ်ပြန်ပြီး ဘောလ်ပင်နဲ့စာရွက်မဟုတ်ရင် အွန်လိုင်းနက်ထ် ၀ါ့ခ်မရှိတဲ့ ကွန်ပြူတာနဲ့ဖြစ်ဖြစ် ကိုယ်တိုင်လက်ခံနိုင်မယ့် နောက်ဆုံးပေါ်ကဗျာသစ်တစ်ပုဒ် သွားရေးနေသင့်တယ်။ လိပ်ပြာရဲ့ အရွယ်ရောက်တိရိစ္ဆာန်ဗီဇအရ မျိုးပွားရန် စေ့ဆော်စိတ်နဲ့ ဆန့်ကျင်ဘက်အလှကို အာရုံခံစား ဖြေဖျောက်ခြင်းသာ ဖြစ်တယ်၊ အနုသမားဖြစ်နေတော့ သာမန်ထက်နည်းနည်းပိုမယ်၊ ပညာသားပါမယ်။  ဒီအနုပညာသမားကြီး ဖြစ်နေလို့လည်း ကိုယ့်ဇာတ်နဲ့ကိုယ့်အရပ် သောက်တလွဲဖြစ်နေတာဖြစ်မယ်။ ဒီနှယ် ဇာတ်ဆန်ဆန် ရင်ဘတ် စည်တီးနယ်ကြိုက်လျှောက်လိုက်နေရုံနဲ့ အနုပညာသမားကြီးလို့ ဆိုလာသူတွေနဲ့လည်း ဒေသ မဂ္ဂဇင်း ဆက်လုပ်စရာအကြောင်းမရှိတော့လို့ ဘ၀ဟာ အထီးကျန်သောင်ပြင်ပေါ် လျှောက်ပြေး နေရတာ ဖြစ်မယ်။ အာရုံငါးပါးစလုံး သက်တောင့်သက်သာမရှိလှပါ။ ဆိုတိုင်းလည်း မွေးရာပါသဘာဝဒွါရ အပေါက်တွေကို ရုပ်နာမ်နှစ်ပါး အဆင့်ဆင့် ကျင့်ကြံအားထုတ်ခြင်းနဲ့ ပိတ်ဆို့စရာအကြောင်း မရှိလှပါ။ အကြောင်းရှိမှာပါ၊ လွတ်လပ်၊ မျှတ၊ ငြိမ်းချမ်းမှုကို အပေါက် တွေဖွင့်လျက်နဲ့ရှာတဲ့ တရားကပဲ တရားမျှတမှုရှိတဲ့ တရားဖြစ်မှာ။ အရေးပေါ် အနုပညာရောဂါ သည်ရဲ့ အပေါက်တွေက သာမာန်ရသနဲ့လောက်တော့ ဆေးပီးနေပြီ။ ဦးမှင်ငါးတံစလုံးကလည်း လှုပ်ရွနေတယ်။ ကောင်းချင်တယ်၊ ကောင်းချင်တယ်၊ တိမ်လိုပေါ့ပါး မျှောလွင့်သွားစေမယ့် နည်းနဲ့လည်း ကောင်းချင်တယ်၊ ညနက်မိုးချုပ် အိမ်မပြန်ဘဲ လျှောက်လွှင့်နေတဲ့ နည်းနဲ့လည်း ကောင်းချင်တယ်၊ ဆန့်ကျင်ဘက် အလှပန်းပွင့်များထံမှ သဘာဝအရ ၀တ်ရည်စုပ်မျိုရတဲ့ နည်းနဲ့လည်း ကောင်းချင်တယ်၊ ကိုယ့်မြေကိုယ့်အမျိုး ကောင်းစားစေချင်တဲ့နည်းနဲ့လည်း ကောင်းချင်တယ်။ ပြီးတော့ ဘာအကောင်းကျန်သေးလဲ။ ပညာအရည်အချင်း၊ အရှက်/သိက္ခာ၊ အချစ်၊ အလုပ်အကိုင် ဘာမှမကျန်တော့ House ကျန်တယ်  Home  မကျန်တော့ နေ့လည် နှစ်ချက်တီးကြီး ကျန်ရှိနေသေးတဲ့ ဆေးလိပ်မုန့်တိုနဲ့  အယ်လ်စီဒီ၊ ဒီဗွီဒီရိုင်တာတွဲလျက် ပီဖိုး တစ်စုံသာ ငါ့အကောင်းဆုံးတွေလို့ ဆိုပေမယ့် စပယ်ရှယ်အဖက် တပုံတခေါင်းအားကိုးနဲ့ ဆပ်ပြာခဲသီအိုရီမူဗွီတွေသာ ကျန်ပြီး မာတင်စကောဆေးဆေးတို့ အယ်လ်ဂျန်ဒရို ဂွန်ဇာလစ်ဇ် အီနာရစ်တူးတို့ ရုပ်ရှင်အသစ်တွေလည်း ထပ်မံမလာသေးခင် စပ်ကြားတော့ အဟောင်းထဲက ကိုယ့်မှာရှိသမျှ ကလဲ့စစ်တွေအထဲကလည်း လောလောဆယ် ကုန်နေပြီဆို မြူးဇစ်တွေက အကောင်းဆုံးပါပဲ။ မြူးဇစ်သောင်းပြောင်းထွေလာဒီဗီဒီနဲ့ ဆယ်ချပ်စာလောက် အမ်ပီသရီးတွေ အနက်ကမှ အခုတလော ပထမဦးစားပေး အပေးအယူတည့်ဖြစ်နေတာ စိုင်းခမ်းလိတ်နဲ့ လူငယ် စိုင်းထီးဆိုင် အကောင်းတကာ့ အကောင်းဆုံးတွေ ဒါမှမဟုတ် ၂၀၀၀လွန်ခါစက အပြိုင်းအရိုင်း ပေါ်ခဲ့တဲ့ အနောက်တိုင်းနယူးမယ်တယ် အုပ်စုတွေ အရှေ့နှင့် အရှေ့အလယ်ပိုင်းပါ မကျန် ပေါင်းစပ်ထားတဲ့ နယူးအေ့ခ်ျတွေ တခါတလေ ချစ်ကောင်းရဲ့ တစ်ယောက်တည်းလား ဖြစ်ချင် လည်းဖြစ်မယ် ငှက်ရဲ့စကားလုံးမရှိတဲ့ကောင်းကင် ဖြစ်ရင်ဖြစ်မယ် မဆီမဆိုင် ဘိုဘိုရဲ့ တို့ဝေး ရာ အယ်လ်ဘမ်မှာလည်း ငြိရင်ငြိနေမယ်၊ ဟစ်ဟော့တွေထဲကတော့ စင်းကင်း၊ သာ့ထ်၊ ဖို့သ်နဲ့ နိပ်ခ်စ် နိပ်ခ်စ်တွေ တစ်ယောက်တစ်ဖွဲ့မကျန် မျက်ခြေမပြတ်ပေမယ့် သူတို့ချင်း ဖေါင်းထုနေ တာကပဲ သူတို့ယဉ်ကျေးမှုလို့ ဆိုလာတော့ ဆိုနေတော့ တခါတလေမှ ကောင်းတယ်၊ အမြဲ ကောင်းနေဖို့ လိုတာကိုးကွာ၊ လင်းဘီစကစ်လို လုပ်ပေါ့ကွာ၊ Sanitarium…Leave me alone  လို့ ၁၉၈၆ က မယ်တယ်လစ်ကာ သီချင်းတစ်ပုဒ်ကို ရဲ့ပ်နဲ့ ဒဲ့တ်သ်မယ်တယ် ပေါင်းပြီး ငါ့ကိုယ် စား အော်ပေးပေါ့ကွာ၊ အက်ဒ၀ပ်မန့်ခ်ျရဲ့ အော်သံထဲမှာ ဘာအော်နေလဲ သိလား “ဘာသံမှ မထွက်ဘူး”၊ လူ့ဆိုဆိုင်ရက်တီတစ်ခုလုံးရဲ့ အော်သံ တစ်မြို့လုံး တစ်ကမ္ဘာလုံးရဲ့ အော်သံ သူ့ဖြစ်တည်မှုတစ်ခုလုံးရဲ့ အော်သံတွေဟာ  သူ့ကိုယ်က စုပ်ယူလိုက်သလို သူ့ထံ စုစည်း စီးဝင်းလာပြီး သီးမခံနိုင်မှုနဲ့ အစွမ်းကုန် အော်ဟစ်ဖို့ကြိုးစားပေမယ့် ၀ိဥာဉ်ခြောက်ကပ်လေး သာကျန်တော့တဲ့ ဆွံ့အသွားတဲ့ ကျယ်လောင်မှု။ အဲသလို ငါကြားတယ်၊ ကြားတတ်လာတယ်၊ အခု တခြားအသံအားလုံး ဖျောက်ဖျက်ပစ်လိုက်တဲ့ မိုးသံတဝေါဝေါဟာ ငါကြိုက်တဲ့အပြင်း စားဂီတတစ်မျိုးလို့  ကြားလာတယ်။ ဒီစာစုဖြစ်သွားတယ်။ ကောင်းသွားတယ်။

မောင်ယုပိုင်
၂၀၁၀၊ သြဂုတ်

(တကယ်တော့ စကားပိုပြောခြင်း)

0
Posted by မောင်ယုပိုင် on June 21, 2010 – 4:30 pm
Filed under အရေးအသား


-Art by Charles Matton.

တကယ်တော့ ဘာမှ မပြောချင်တော့ပါ။ တကယ်တော့
ဘာမှ ပြောစရာ မရှိတော့လို့ပါ။ တကယ်တော့ ကိုယ်ပြောမှဖြစ်မယ်ဆိုတာ တွင်းဝသို့မတက်လာနိုင်သည့် ဖားသူငယ်သာပဲ တကယ်တော့ ကမ္ဘာကြီးမှာ ယနေ့တိုင် ဘဲ့စ်စယ်လာ ဖြစ်ဆဲသမ္မာကျမ်းစာနဲ့ ပြီးပါတယ်။

  • တကယ်လို့ သမ္မာကျမ်းစာနဲ့မပြီးလည်း ဒါဗင်ချီကုဒ်နဲ့ပြီးပါတယ် ဒါမှမဟုတ် ဟယ်ရီပေါ်တာနဲ့ ပြီးပါတယ်။ ဒါနဲ့မှ မပြီးသေးရင်

ဒီနေ့ကမ္ဘာကြီးကို အသစ်ပြန်လည်ရိုက်ကူးတင်ဆက်လာတဲ့ အဲလက်စ်ရဲ့ အံ့ဖွယ်ကမ္ဘာနဲ့ ပြီးပါတယ်။ သေချာတာက ငါ့စာ ငါ့စကားနဲ့ မပြီးတာပါပဲ။ ရယ်ဖွယ်ပါပဲ။
ငါတို့ တစ်ထောင့်တစ်ညစကားတွေ များလာကြရာမှာ သုတ် ၀ိနည်း အဘိဓမ္မာကို ဘယ်မှာ သွားထားခဲ့မိမသိ ဆက်၍ ငါတို့ အလုပ်တွေ ရှုပ်ကြရာမှာ
ငါတို့ ဆင်ခြေဆင်လက်ရာ ထပ်ရှာကြရာမှာ မြင်နေတဲ့ဆင်တစ်ကောင်လုံး ဘယ်မှာဘယ်လို ချောင်ထိုးထားခဲ့မသိ ဒါကြောင့် ငါတို့စကားတွေ ဘယ်တော့မှမပြတ် ဒါကြောင့် ငါတို့စကားတွေ ဘယ်တော့မှမပြီး ပြောခဲ့ ပြီးခဲ့ တီးခဲ့ မြည်ခဲ့တာတွေ ငါတို့ မေ့ပြီး ငါတို့ မေ့လျော့ပေါ့ဆပြီး
ငါတို့ စိတ်ကြီးဝင်ပြီး

  • ငါတို့ ကိုယ့်ကိုယ်ကို ငါတွေးတယ် ဒါကြောင့် ငါ့ကိုယ်ငါ ဒေးကား မှတ်နေကြတဲ့ အခါလည်းရှိ၊ ငါတို့ ကိုယ့်ကိုယ်ကို အိုင်းစတိုင်းနဲ့နှိုင်းရသီဝရီလုပ်နေကြတဲ့အခါလည်းရှိ ငါတို့ ကိုယ့်ကိုယ်ကို ဂျွိုက်စ်၊ ငါတို့ ကိုယ့်ကိုယ်ကို အိလိယက်၊ ငါတို့ ကိုယ့်ကိုယ်ကို ဘီးတဲလ်စ် ငါတို့ ကိုယ့်ကိုယ်ကို ဖရန်စစ်ဖို့ထ်ကော်ပိုလာ၊ ငါတို့ ကိုယ့်ကိုယ်ကို ဒေးလ်ကာနက်ဂျီ၊ နောက်ဆုံး ငါတို့ကိုယ့်ကိုယ်ကို အိုဘားမား၊ ငါတို့ ကိုယ့်ကိုယ်ကို ဘန်ကီမွန်း၊ ငါတို့ကိုယ်ကိုယ်ကို တိုင်းမဂ္ဂဇင်းကာဗာမှ မင်းအော့ဖ်ဒါရီးယား ငါတို့ဦးပုည၊ ငါတို့ မှိုင်း၊ ငါတို့ ဒေါင်း၊ ငါတို့တာရာ၊ ငါတို့မြို့မ၊ ငါတို့

ကိုယ့်ကိုယ်ကိုကလွဲလို့ ဘယ်သူ့ကိုယ်ကိုမဆို ငါတို့ ကျရာဇာတ်ကောင်ပီပြင်အောင်
သရုပ်ဆောင် ပုံစံတူအောင်ဇာတ်သံနှော ဇာတ်ကြောင်းပြန် ဇာတ်နောက်လိုက်တဲ့ ဇာတ်လိုက်လိုလိုနဲ့ တကယ်တော့ ငါတို့ ရာဇ၀င်ထဲမှ ဗုဒ္ဓကိုမရှုဆိတ်နိုင်ဝါဒပြိုင်ချင်တဲ့
သစ္စက ပရဗိုဇ်လို ၀မ်းတွင်းက ပညာတွေ ပေါက်ထွက်မှာစိုးလို့
ဝမ်းကိုသံခါးပတ်ပြားနဲ့ပတ်ပြီး ငါတို့ရာဇ၀င်မှာစာတင်

  • ငါတို့ ပြောဆို၊ ငါတို့ငြင်းခုန် ငါတို့ ဆဲဆို ငါတို့တိုက်ခိုက် ပြီးတော့ အရှက်ပြေ ငါတို့ ရယ်မော ဒါမှမဟုတ် အရှက်တကွဲ ငါတို့ငိုယို တကယ်တော့

ငါတို့က ‘ငါတို့’ ဆိုတာ မေ့လို့၊ ငါတို့က ငါတို့ မနှစ်ကပြောခဲ့ဆိုခဲ့တာတွေ မေ့လို့
ငါတို့က ငါတို့ မနေ့က ပြောခဲ့ဆိုခဲ့တာတွေ မေ့လို့၊ ငါတို့က ငါတို့ အခုလေးတင် ပြောခဲ့ဆိုခဲ့တာတွေ မေ့လို့ ငါတို့ ဒီနေ့ ဒီအချိန်မှာ စကားတွေထပ်ပြောကြပြန်တယ်။ ရှေ့နောက်ညီမညီ မသိ၊ စကားတွေထပ်ပြောကြမယ်။ စိတ်လိုက်မာန်ပါမှန်းမသိ စကားတွေ ထပ်များကြမယ်။ ပြောမဆုံးပေါင်တောသုံးတောင်အလား စကားတွေပြောရော့မယ်။

  • ကဲ အခု ငါတစ်ခုခုပြောမယ်
  • ဆိုရင်

မြွေမကြောက်ကင်းမကြောက် စကားတွေပဲဖြစ်မယ်၊ ကြက်မ တွန်လို့ မိုးမလင်းမှန်း
မသိတာပဲ ဖြစ်မယ် ခွေးလေးခုန်လို့ ဖုန်မထမှန်းမသိတာပဲ ဖြစ်မယ်၊ စကားများရအုံးမယ့် စကားများပဲ ဖြစ်မယ် ဘယ်က စပြောရမလဲဆို ဟိုးရှေးရှေးတုန်းက စ ဆိုသလို စရပြီး ပုံပြင်လေးကတော့ ဒါပါပဲနဲ့ ဆုံးလိမ့်မယ်။ ဒါမှမဟုတ် ဘေးဖယ်ထုတ်ခံရတဲ့ လူမျိုးနဲ့ အယူအဆတွေအကြောင်း ထပ်လောင်းပြောကြားသွားမယ်။ ဘာသာစကား သိမှုနဲ့ ရှိမှု အကြောင်း ထပ်မံ ကိုးကားပြောဆိုသွားမယ်။ ဘ၀ရဲ့ လျှို့ဝှက်ချက်ဟာ ‘ လျှို့ဝှက်ချက်မရှိပါ’ ဆိုတဲ့အကြောင်း နောက်ဆုံးတစ်ခွန်း ပရိသတ်ကြီးအတွက်ပြောကြားသွားမယ်။ တကယ်တော့ အစီစဉ်အရ အခမ်းအနားစတင်ကြောင်းနဲ့ အခမ်းနားပြီးဆုံးကြောင်း ကြေငြာအပ်ပါသည် မျှသာ။

မောင်ယုပိုင်
၂၀၁၀ ပြည့်နှစ်၊ ဇွန်လ။

ပျင်းစရာအရေးအသား

1
Posted by မောင်ယုပိုင် on May 17, 2010 – 5:22 pm
Filed under အရေးအသား

800px-Henri_Moret_001
- Mole des Hafens von Audierne (1900) by Henri Moret

တရုတ်ပန်ကားလေး ဂိတ်ကုန်ဖွင့် အပေါ်ပိုင်းဗလာ လုံချည်ကြမ်းနဲ့ ကိုယ့်ကိုယ်တည့်တည့်ကို လှည့်ထားရတော့တယ်၊ ပြဿနာရှိ နောက်ဆုံးမှ ငြီးသံပြုတဲ့ငါတောင် ဒီနွေတစ်ခေါက်မှာ လက်မြောက်ရပြီ၊ မြို့နေလုပ်သားပြည်သူအပေါင်းတို့လည်း လမ်းဆုံထွက် ဟစ်ပစ်ချင်စိတ် ပေါက်ကုန်ပြီ၊ နေပူဒဏ်ကြောင့် ဒေါသကျည်ဆန်ထွက်သွားတယ် ဆိုတဲ့ မာဆိုးလျှောက် လဲချက်ကို လက်ခံလာတယ်၊ အခု ဘာဆက်လုပ်မလဲ။ ညကတော့ အိဖြူကို ပြောဖြစ်တယ်။ ငါတို့ ဂျေးအကြီးကြီးတစ်ခုထဲမှာ အောင်းနေတာပဲလို့။ မြို့တွင်း လမ်းမကြီးတွေရယ်၊ ဆိုင်ကယ် မီးရောင်နဲ့  ဟွန်းသံတွေရယ်၊ ပင်လယ်လေပူတွေရယ်၊ မိတ်အင်ယိုးဒယား အချိုရည် သံပုံးတွေရယ်၊ ဒီအဆောက်အဦး ဒီပတ်ဝန်းကျင်ရယ်၊ ဒီမျက်နှာ ဒီမျက်နှာတွေရယ်၊ ‘အဲဒါတွေရဲ့ ဧရိယာပြင်ပကိုမရောက်ရှိနိုင်အောင် ကန့်သတ်ထားတဲ့ ကံစိတ်ဥတု အကြောင်း ကြောင်းသော အကြောင်းအကြောင်းများရယ်၊ အနီးစပ်ဆုံးက သံတိုင်တွေကြား မဟုတ်ပေမယ့် သံလုံဇကာတပ် လေးဘက်လေးတန်နံရံနဲ့ အခန်းတစ်ခန်းမှာ ရရှိထားတဲ့ စာအုပ်တွေကို ရရှိထားတဲ့ အိပ်ယာတစ်ခုပေါ်မှာ လှဲဖတ်၊ ရောက်ရှိလာမယ့် စာတွေပါဆယ်တွေမျှော်၊ ကော်ဖီ သောက်ချိန်၊ ခြေလက်ဆန့်ခွင့်ရချိန်မှ အပ နေလုံးစောင်းသွားတော့ အိဖြူကို ပြောဖြစ်တယ်၊ ဒါတွေ၊ အထက်ပါ အကြောင်းအရာများနှင့် ပတ်သက်၍ ဘလာ ဘလာ ဘလာတွေ၊ ရှောရှန့်ခ် ထောင်ကို ဖေါက်ပြေးခြင်း ရုပ်ရှင်ထဲက ဇာတ်လိုက်လို အိမ်တံစက်မြိတ်ကနေ အရဲစွန့် ကန္တာရ နေရောင်ထဲ ခြေလှမ်းချ၊ ခြေလှမ်းကို နီးစပ်ရာ အင်တာနက်ကဖေးဆီ လှမ်း၊ အကောက်တွေ ပါ့စ်ဝါ့ဒ်တွေ ရိုက်ထည့် www.mgyupie.co.cc ကိုဖွင့်ပြီးရင် ၀င်လာသမျှ တက်လာသမျှတွေ အခြေနေ အရိပ်အကဲကြည့် လက်ခံတုံ့ပြန် ဆက်ဆံအချိန် အခိုက်အတန့်တော့ ကမ္ဘာရွာကြီး ဆီရောက်ပြီး လွတ်မြောက်နေတယ်ပဲ ဆိုပါစို့၊ ပြဿနာက ဆင်ဖမ်းမယ် ကျားဖမ်းမယ် တွေများတယ်၊ ထိပ်ပုတ်ခေါင်းပုတ်တွေ များတယ်၊ အရှင်မွေးနေ့ချင်းကြီး အသံကြောင့် ဖားသေ ခွေးလေးဟောင်လို့ ဖုန်မထ မဏ္ဍပ်တိုင်တက် အမောက်ထောင်ပြသူတွေ များတယ်၊ ယူအက်စ် အေ ထက်တောင် အမေရိကန်ဆန်ချင် သူတွေ/သူမတွေ များလာတယ်။ ကိုယ်တို့နှလုံးသွေးနဲ့ အမွေးနံ့သာဆွတ်စာရွက်တွေပေါ် ရေးပြီးမှ မိန်းကလေးဆီက အချစ်ကိုရခဲ့တဲ့ ၈၀-၉၀ ခုနှစ် တွေ၊ ကိုယ်တို့နဖူးကချွေးခြေမကျပြီးမှ ပုံနှိပ်စာမျက်နှာပေါ် စာလုံးထင် အသက်ဝင်ခဲ့တဲ့ ၉၀-၂၀၀၀ ကာလတွေ၊ ကိုယ်တို့တေဇနဲ့ ကိုယ်တို့မိုးသောက်ပန်းတွေ၊ ကိုယ်တို့မောင်စံရှားနဲ့ ကိုယ်တို့ဆားပုလင်းနှင်းမောင်တွေ၊ ကိုယ်တို့အလင်္ကာနဲ့ ကိုယ်တို့အတွေးအမြင်တွေ၊ ကိုယ်တို့ ဆာ့တ်နဲ့ ကိုယ်တို့ကမူးတွေ၊ ကိုယ်တို့ ကက်ဆက်ခွေနဲ့ ဗီဒီယိုတိတ်ရာ ထောင်မကတွေ၊ ကိုယ်တို့ဖလင်လိပ်ကပြန်ကူးထားတဲ့ ဓါတ်ပုံတွေ၊ ဒီခေတ်ကြီးက ဒါတွေအားလုံး select လုပ် copy မှတ် မောက်စ်တစ်ချက်နဲ့ drag ဆွဲ ထည့်လိုက်တော့ အခုဘလော့တင် အခုကဗျာဆရာ စာရေးဆရာကြီး ဖြစ်တာပေါ့၊ ခေတ်ရဲ့ရေပေါ်မှာ အဆီလို ဝေ့တက်နေတဲ့ ကိုယ့်အဖြစ် ကိုယ်မမြင်၊ ခွင့်မရှိဘဲ ပြောကြရေးကြ ဆိုကြပေါ့၊ ချွေးသွေးထွက်မှ အလုပ်လို့ ကော်လာပြာလို ခေတ်နောက်ပြန်ဆွဲနေတာ မဟုတ်ပါဘူး။ အင်တာနက်ကို အသုံးပြုနေတာ၊ အင်တာနက်ကို အသုံးပြုနေတာလား၊ အင်တာနက်ရဲ့ အသုံးချခံတွေလား တွေးစရာ ကောင်းပါတယ်။ ခေတ်ရဲ့ အင်ဖေါ်မေးရှင်းကို ဆော့ဖ်ဝဲတက်ကနိုလော်ဂျီ သက်သက်နဲ့ မြူးဇစ်ပြုလုပ်နေတဲ့ စတုတ္တ မျိုးဆက် မြန်မာအန်ဒါဂရောင်းရဲ့ပ်ပါတွေအထိ ငါသိတယ် ငါနားလည်တယ်။ ဒါပေမယ့် oldschool တူးပါ့စ်ကို မသိတဲ့ ကောင်တွေဆိုရင်တော့ လူမသေခင် နာမည် အရင်သေသွားမှာပဲ၊ ဘယ်ခေတ်မှာကြီးကြီး ဘီးတဲလ်စ်ကို သိရမှာပဲ၊ မိုက်ကယ်ဂျက်ဆက်ရဲ့ thriller ကိုကြည့်ရမှာပဲ။ စိတ္တဇပန်းချီ၊ အရူးချီးပန်းအက၊ သရုပ်ပျက်ဂီတ၊ ၇၀ကနေ၉၀ကြား အရေးကြီးတဲ့ ခေတ်ပေါ် ကဗျာများကို ဖြေဆိုပါဆိုရင် အလွှတ်ဖြေနိုင်ရမှာပဲ။ ပြဿနာများလာတော့ အင်တာနက် ဆိုင်ထဲက logout လုပ် ထွက်လာလိုက်တယ်။ နေစောင်းပြီ၊ အိဖြူဆီသွားရမယ်၊ အွန်လိုင်းပေါ်မှာ ဒီတစ်သက်ကြည့်လို့ မကုန်နိုင်တဲ့ လူမျိုးဘာသာအသက်အရွယ်မရွေး မိန်းမ တွေထက် တစ်ယောက်သောသူမရဲ့လက်မောင်းလေးကို မွေးရတာ ယောက်ျားပိုပီသစေ ပါတယ်။ လေးယောက်ထက် မပိုတဲ့ အပေါင်းအသင်းနဲ့ပဲ ဆိုင်ကယ်စီးမယ်၊ သစ်ရွက်စိမ်းမှုန့် ရေနဲ့မျှောမယ်၊ တစ်ယောက်ပခုံး တစ်ယောက်လှမ်းပုတ်မယ်၊ အိမ်ခန်းကို ဆေးပြန်သုတ်မယ်၊ အီးဘို့ခ်တွေမှာ ဖရီးဒေါင်းလော့ရရ မရရ အောင်ချိမ့်တောလား စာအုပ်ကို ငါဝယ်ဖတ်မယ်၊ သန်းကြွယ် ကာတွန်းတွေ ငါပြန်ဖတ်မယ်၊ စူပါမင်းအဖုံးနဲ့ အက်ရှင်ကော့မစ်အမှတ်တစ်ကို ဒီနေ့လေလံပွဲမှာ ဒေါ်လာတစ်သန်းဖိုး ရလိုက်တာ ငါဘာပြောချင်လဲဆိုတာပဲ။ မေးလ်ဘော့ခ်စ် ထဲက ဘယ်ကဟာတွေမှန်းမသိ friend request တွေ ခဏဘေးချိပ်ထား၊ ဆေးရုံပေါ်က ငါ့သူငယ်ချင်း သတင်း သွားမေးမယ်၊ ညဆယ့်တစ်မထိုးခင် အိမ်ပြန်မယ်၊ ငါ့အဖေ ကျေနပ်ရင် ငါကျေနပ်တယ်၊ သူမ ပျော်ရင် ငါပျော်တယ်၊ ဒီဘ၀ဟာ ပျင်းစရာကောင်းတယ် ဆိုရင် ဒီဘ၀မှာ ငါပျော်တယ်။

မောင်ယုပိုင်
၂၀၁၀ မေလ

၁၉၆၈က မှတ်တမ်း

0
Posted by မောင်ယုပိုင် on March 30, 2010 – 6:52 pm
Filed under အရေးအသား

FRANCE STOLEN MATISSE
- Le Mur Rose (The Pink Wall) 1898 by Henri Matisse

ယနေ့သည် ၁၉၆၈ခု စက်တင်ဘာ ၂ရက်နေ့ဖြစ်သည်။ လုပ်ဆောင်စရာလုပ်၍ ထမင်းစား ပြန်သည်။

ဒီခေတ်လောက် အလုပ်သမားတွေ ဆိုးတာ မတွေ့ဘူးပါဘူး။ အလုပ်သမားထု တစ်ရပ်လုံးကို
စော်ကားမော်ကားပြုသော (၀ါ) ခေတ်ပြောင်းတော်လှန်ရေး။ ကိုယ်တွင်အင်္ကျီမကပ်နိုင်ပါ၊
အိပ်လည်းသည်အတိုင်း၊ စားလည်းသည်အတိုင်း၊ အလုပ်လုပ်လည်းသည်အတိုင်း
ပင်လယ်ကျွဲဟုဖေါ်ပြထားသည်မှာ အမှန်အတိုင်း၊ ပင်လယ်ထဲတွင်တစ်ညလုံး
ဂွေးဖမ်းခြင်း၊ ပိုက်မျောခြင်း၊ အမိုးအကာမရှိသော သမ္ဗာန်ပေါ်တွင် နေထွက်မှနေ၀င်သည်အထိ ထမင်းစားပြီး ခဏမှေရင်း ထမင်းလုံးစီသည်။ မည်မျှကြာသွားသည် မသိ

“ဘဘအေးသောင် ဘဘအေးသောင် အိမ်အောက်မှာ ဧည့်သည်စောင့်နေတယ်”
ဇနီးမပုလက်ထဲမှ ကြေးနန်းတစ်စောင်ကိုင်လျက်၊ မယုံတယုံမျက်နှာထား၊ ယုံသည်ဟု မဆိုနိုင်သော်လည်း ယုံသည်ထက်မက ဖြစ်နေ၊
တိုက်ဂဏန်းတစ်ခုကြုံကြိုက်ရန်မှာ အဆင်ပြေမှုလော၊ ကံတရားလော…..

စမ်းထိုးတိုင်း ၁ဂဏန်း ၇ဂဏန်း၊ ပေါက်ငွေနည်း၍လော၊ သုံးဦးခွဲယူရမည်ဆို၍လော ၅၀၀၀တစ်ယောက်တည်းပေါက်ရင် ဘယ်လောက်ကောင်းမလဲ၊ ၅သောင်းပေါက်ရင် ဘယ်လောက်အဆင်ပြေသွားမလဲ၊ တင်ယှိနေသော ကြွေးတိုမြီစကလေးများ ဆပ်ချင်သည်၊ သားအတွက်လက်ပတ်နာရီလေးတစ်လုံး ၀ယ်မည်၊ စာအုပ်စာတန်းများ ၀ယ်မည်။

(၆။၁၀၊၆၈) မတင်မြဆုံးပြီဟု လာပြောသည်။ လူသားတစ်ယောက် သေဆုံးသည်မှာ အဆန်းမဟုတ်သော်လည်း ဤအဆန်းမဟုတ်သည်ပင်လျင် အဆန်းသကဲ့သို့ ဖြစ်သွားသည် မှာလည်း ဆန်းကျင်သည်ဟုပင် ဆိုရချေမည်။ တိုက်ဂဏန်းတစ်ခု ကြုံကြိုက်ရန်မှာ ……

မိတ်ဆွေသူငယ်ချင်း ရောင်းရင်းများမှအစ နာမည်ကြီးပုဂ္ဂိုလ်များ၊ စစ်ဗိုလ်များ ကျောင်းဆရာများ၊ ဆရာဝန်များ စသည့် နှီးစပ်ရာရင်းနှီးရာ ပုဂ္ဂိုလ်များ၏ လက္ခဏာများ၊ လုံးဝမဟောနိုင်သော လက္ခဏာများလည်း တွေ့ရဘူးသည်။

ဂျီစီဘီအေခေါင်းဆောင်သည်၊ကွဲသည်။ ဟုမ္မရူးဒိုင်အာခီကွဲ၊ မော်-မြင့် ဗြဲတို့၊ လှိုင်-ပု-ကျော်ဆို၍ ကွဲ၊ ဒို့ဗမာအစည်း အရုံးလည်း ကွဲ၊ ဂျာပန်ရောက်ပြီး ရဲဘော်သုံးကျိပ်ဖွဲ့စည်းသည်၊ ကွဲလျက်ပေါင်းကြသည်။ ကွန်မြူနစ်ပါတီလည်း ၄၆ခုနှစ်မှာ ကွဲ၊ ဖဆပလလည်း ကွဲ၊ ရဲဘော်ဖြူ ရဲဘော်နီကွဲ၊ အလံဖြူအလံနီကွဲ တကွဲတည်းကွဲလာလိုက်ကြရာ အကွဲသံသရာလည်ပုံ၊
အကွဲကြောင့် ဒုက္ခပင်လယ်ဝေပုံ


အဲဒီတော့ မူကို မဖြစ်ဘူးဆိုလို့ရှိရင်တော့လဲပဲ၊ ဒါအကုန်လုံး ပြန်ဆွေးနွေးပြီးတော့ စဉ်းစားကြရမှာပဲ၊ ကမ္ဘာချည်းအောင် ဘယ်ဒင်းမှ မနေပဲကိုးခင်ဗျာ့၊ သင်္ခါရတရားဆိုတဲ့ ဥစ္စာ (ဦးနေ၀င်းမိန့်ခွန်းမှ)

ရောဂါအမြစ်ကို ရှာမတွေ့သဖြင့် ဆေးပေးရန်ခက်
မြုံနေသောအနာ၊ အခံရခက်၍ အနေရကြပ်သည်
စိတ်ထိုင်းမှိုင်းသည်၊
ဥာဏ်မရွှင်သဖြင့် ဟန်ပြင်၍သာ အချိန်ကုန်သည်
ဖြစ်တတ် စစ်တတ်သော သဘောသဘာဝ
တိုင်ကပ်နာရီမှာလည်း ဟောင်းနွမ်းနေသော်လည်း စက်သံကားမြည်လျက်ပင်
စားပွဲတင်နာရီတစ်လုံးမှာလည်း ဆွေးမြေ့နေသော်လည်း ယှိရင်းစွဲနေရာမှာပင်
ရေနံမီးခွက်သည် ယနေ့လျှပ်စစ်ခေတ်အထိ မပစ်လွှင့်ရသေးပဲ ယှိနေ
ဆောင်တော်ကူးပန်းခြံသည်လည်း ယနေ့တိုင် ဖူးငုံပွင့်လန်းလျက်
စားပြီးလွှင့်ပစ်ထားသော မန်ကျည်းစေ့မှ အပင်သေးကလေး
အပင်ပေါက်ကို မြေထဲပစ်ချထားသည်မှ……။

မောင်ယုပိုင်
၂၀၁၀ မတ် ၇
(အဖိုးဦးအေးသောင်၏မှတ်တမ်းအားပြန်လည်တည်းဖြတ်သီကုံးသည်)

လမ်းဘေးအထည်ဆိုင်၌ ဈေးဝယ်ခြင်း

5
Posted by မောင်ယုပိုင် on March 18, 2010 – 6:57 pm
Filed under အရေးအသား

800px-Armin_Kane1

- Maggio (2008) by Abdoulaye Armin Kane.

ရန်ကုန်မြို့လည်ခေါင် လမ်းဘေးတစ်နေရာက အထည်ဆိုင်တစ်ဆိုင်မှာ ချိပ်ပြထားတဲ့ ဘောင်းဘီတိုလေးတွေကို သဘောကျပြီး ၀င်ကြည့်တော့ ဘောင်းဘီတစ်ထည် တွေ့တယ်။ ဈေးကလည်းတော်တာမို့ ၀ယ်ဖို့ ဆုံးဖြတ်လိုက်ပြီး ဘောင်းဘီဆိုဒ်  ကိုက်မကိုက်ကို ကြည့်ရတယ် ဘောင်းဘီဆိုဒ်က သုံးဆယ့်တစ်ဖြစ်နေတော့ ကျွန်တော့်ခါးနဲ့ဆို မကိုက်ဘူး ဖြစ်နေတယ်။ ကျွန်တော်က ဒီအဆင်အတိုင်း သုံးဆယ်မရှိတော့ဘူးလား မေးတော့ ဆိုင်ရှင်ဦးလေးကြီးက မရှိတော့ဘူး ညီလေး၊ ရပါတယ်၊ အခုက အပွဝတ်နေကြတာပဲ၊ ရဲ့ပ်ပါပေါ့ကွာ၊ ခါးပတ်နဲ့ဝတ်လိုက်ရင် အဆင်ပြေသွားလိမ့်မယ်၊ ရေလျှော်လိုက်ရင်လည်း ကြုံ့သွားအုံးမှာ လို့ပြောတယ်။ ကျွန်တော်က ကျွန်တော်နဲ့မတော်မှန်း သိတော့ ဒီဘောင်းဘီကို ကိုင်ထားရင်း ကျွန်တော့်ညီအတွက်ဝယ်သွားဖို့ စဉ်းစားလိုက်တယ်။ ဒါပေမယ့် ကျွန်တော့် ညီရဲ့ခါးက သုံးဆယ်နှစ်ဆိုတော့ ဒီအဆင်အတိုင်း သုံးဆယ်နှစ်ရှိမလား ကျွန်တော့် ညီအတွက် ပါလို့ မေးလိုက်ပြန်တယ်။ ဆိုင်ရှင်ဦးလေးကြီးကလည်း သုံးဆယ်နှစ်လည်းမရှိဘူး ညီလေးရ၊ သုံးဆယ်တစ်တစ်မျိုးပဲ ရှိတော့တာ၊ ဒါပေမယ့် ရတယ်ကွ၊ ဒီဘောင်းဘီတွေက သုံးဆယ်တစ်လို့ ရေးထားပေမယ့် တကယ်တမ်း နည်းနည်းပိုကျယ်တယ်ကွ၊ ၀တ်ရင်းနဲ့ ချောင်သွားမှာပါ၊ အခုတကယ်ခေတ်စားနေတာက အစေ့ဝတ်တာလေ၊ အီမိုဒီဇိုင်းပေါ့၊ ယူသွားလိုက်ပါ ညီလေးရာတဲ့။ ဒါပါပဲ ၊ ကဗျာဆိုတာ၊ အချစ်ဆိုတာ၊ စစ်ဆိုတာ၊ ဥပဒေဆိုတာ၊ အဓိပ္ပါယ်ဆိုတာ၊ လူဆိုတာ၊ ဘ၀ဆိုတာ။

မောင်ယုပိုင်
၂၀၁၀ ပြည့်နှစ်၊ မတ်လ။

ကျွန်တော်နဲ့ ၂၀၀၉ အော်စကာဆုပေးပွဲ

5
Posted by မောင်ယုပိုင် on March 10, 2010 – 7:03 pm
Filed under ရုပ်ရှင်

Kathryn-Bigelow-at-the-Os-001
Photo by guardian.co.uk

ကိုယ်ပဲ အသက်အရွယ် ရလာလို့လား၊ ရုပ်ရှင်ကြည့်သက်တမ်းပဲ ရလာလို့လားတော့မသိဘူး။
ဒီတခေါက် အော်စကာပေးပွဲကြည့်ရတာ စိတ်လှုပ်ရှားဖွယ်ရာ အကောင်းဆုံးပါပဲ။

သူတို့ဆီမှာ မတ်လ ၇ရက်ည၊ ကျွန်တော်တို့ဆီမှာ မတ်လ ၈ရက်နေ့ မနက်အိပ်ယာအထမှာ
လက်ဖက်ရည်ဆိုင်ထိုင်ရင်း လက်ဖက်ရည်ဆိုင်မှာ ဖွင့်ပေးထားတဲ့ ၂၄လိုင်းရုပ်သံအစီအစဉ်မှာ
လာနေတဲ့ အော်စကာပေးပွဲကို ကြည့်ရတယ်။ (၂၄ချယ်နယ်ရုပ်သံ အစီအစဉ်ဆိုတာက ကျွန်တော်တို့မြို့တွင်းမှာ ထုတ်လွှင့်ပေးတဲ့ အစီအစဉ်တစ်ခုပါ)

ကျွန်တော်စကြည့်ရတော့ ကျွန်တော်စိတ်ဝင်အစားဆုံး ဆုတစ်ခုဖြစ်တဲ့ အကောင်းဆုံး အထူးပြုလုပ်ချက်ဆု (Visual Effect) ကနေ စကြည့်ရတာပါ။ အရှေ့ကဆုတွေကိုတော့ လွှတ်သွားပါတယ်။ (နောက်မှပြန်ကြည့်ဖို့လုပ်ထားပါတယ်၊ ဒီစာကတော့ ပူပူနွေးနွေး ဖြစ်နေတုန်း ရေးလိုက်ရတာပါ) ဒီအကောင်းဆုံး အထူးပြုလုပ်ချက်ဆုကိုတော့ သိပ်အငြင်းပွားစရာ မလိုလောက်အောင် Avatar ကပဲ ဆွတ်ခူးသွားပါတယ်။ ရင်သတ်ရှု မောဖွယ် အထူးပြုလုပ်ချက်တွေလုပ်ရာမှာ ဂျိန်းစ်ကင်မရွန်နဲ့ အဖွဲ့သားတွေက ခေတ်အဆက်ဆက် အောင်မြင်ခဲ့ပြီးသား အတွေ့အကြုံအများကြီးရှိပြီးသား မဟုတ်လား။ Avatar က အမျိုးသမီး သရုပ်ဆောင်ကြီး ပါဝင်ခဲ့တဲ့ Alien ဇာတ်ကား ကတည်းက ဂြိုလ်သားတွေ လှလှပပ ဖန်တီးပြခဲ့တာပဲလေ။ ပြီးတော့ဂန္ဓ၀င်တွင်ခဲ့တဲ့ စက်ရုပ်လူသား Terminator ။ ပြီးတော့ Abyss မှာလည်း ရေလူသားကို ဖန်တီးပြခဲ့တာပဲ။ အဲဒီရေလူသားပြုလုပ်ချက် ကိုထပ်မွမ်းမံပြီး T-2 မှာ ပြဒါးလူသားကို အသက်သွင်းခဲ့ပြန်တယ်။ T-2 တုန်းကလည်း အကောင်းဆုံး အထူးပြုလုပ်ချက်ဆု ရခဲ့တာပဲလေ။ ဒီနှစ်ဆုပေးပွဲမှာတော့ ကမ္ဘာကြီးကိုအသေးစိပ်ဖျက်ပြတဲ့ 2012တို့ စက်ရုပ်ကြီးတွေ အာကာသမြင်ကွင်းတွေ အနုစိပ်ဖန်တီးပြတTransformers တို့ Star Track တို့ District 9 တို့ကို ကျော်လွားပြီး Avator က အကောင်းဆုံး အထူးပြုလုပ်ချက်ဆု ရယူသွားခဲ့ခြင်း ဖြစ်ပါတယ်။

နောက်ဆု တစ်ခုက မှတ်တမ်းရုပ်ရှင် Documentary ဇာတ်ကားဆု။ အဲဒီဆုကို စိတ်ဝင်တစား ကြည့်နေစဉ်မှာ စကာတင်ရုပ်ရှင် ငါးကားကို တစ်ကားချင်း အစီအစဉ်လိုက်ပြဖို့ ပထမဆုံးဇာတ်ကားရဲ့အမြည်းပြကွက်လေး ပေါ်လာတာနဲ့ ကျွန်တော်တို့မြို့ရဲ့ရုပ်သံလိုင်းက ရုတ်တရက် တိုက်ဆိုင်စွာ ပြတ်တောက်သွားပါတယ်။ စက္ကန့်ပိုင်းလောက်သာ ကြာမြင့်တဲ့ အဲဒီ ဇာတ်ကား ပြကွက်လေး ပြီးလောက်တဲ့အချိန်ကျမှ တိုက်ဆိုင်စွာ လိုင်းပြန်ပေါ်လာပါတယ်။ အဲဒီဆုကိုတော့ ဝေလငါးတွေ သတ်ဖြတ်ခံနေရတာတွေ တားဆီးကာကွယ်ဖို့ မှတ်တမ်းတင်
ရိုက်ကူးထားတဲ့ဇာတ်ကားThe Cove က ရရှိသွားပါတယ်။

(ကျန်တဲ့ဆုတွေကိုတော့ ချန်လှပ်ခဲ့ပါမယ်၊ ကျွန်တော်စိတ်ဝင်စားတဲ့ ဆုတွေကိုသာ ပြောသွား ဖို့ရည်ရွယ်ပါတယ်) ပြီးတော့ အကောင်းဆုံးအမျိုးသား သရုပ်ဆောင်ဆု။ အဲဒီဆုကိုတော့ Crazy Heart ဇာတ်ကားမှ Jeff Bridges ဆိုတဲ့သရုပ်ဆောင်က ဆွတ်ခူးသွားပြီး ကိတ်ဝင်းစလက်က အော်စကာဆုရုပ်တုကို ပေးအပ်ခဲ့ခြင်း ဖြစ်ပါတယ်။ ရုပ်ရှင်ပရိသတ်တွေကြား စယ်လီဘရိတ် ပိုဖြစ်တဲ့ ဂျော့ကလူးနီးနဲ့ မော်ဂင်ဖရီးမင်း တို့ကို ကျော်ဖြတ်ရရှိသွားခဲ့ခြင်း ဖြစ်တယ်။

အကောင်းဆုံး အမျိုးသမီးသရုပ်ဆောင်ဆု ကိုတော့ Blind Side ဇာတ်ကားမှ စန်ဒရာဘူးလော့ခ်က် ရရှိသွားပါတယ်။ ဒီဆုကိုတော့ ကျွန်တော်အကြိုက်ဆုံး သရုပ်ဆောင် ရှောင်ပင်းက ပေးအပ်ခဲ့တာပါ။ (ရှောင်ပင်းက အပြင်မှာ စကားပြောတာလည်း သူသရုပ်ဆောင်ခဲ့တဲ့ ဇာတ်ကောင်တွေအတိုင်းပါပဲ၊ ထစ်ထစ်ငေ့ါငေါ့နဲ့ မရွှင်မပြမျက်နှာနဲ့) စန်ဒရာဘူးလော့ခ်က ၀ါရင့်မင်းသမီးကြီးတွေဖြစ်တဲ့ မာရီစတိဖ်တို့ကို ကျော်ဖြတ် ရရှိသွားခဲ့ခြင်းဖြစ်ပါတယ်။ စန်ဒရာဘူးလော့ခ်ဟာ Speed ဇာတ်ကားနဲ့ နေရာရလာခဲ့ပြီး သူ့ရဲ့သရုပ်ဆောင်မှုက ဇာတ်ကားတစ်ကားပြီး တစ်ကားဆိုသလို သိသိသာသာ တိုးတက်မှုရှိလာတာ သတိထားမိခဲ့ပါတယ်။ (နောက်ဆုံးကြည့်ခဲ့ရတဲ့ All about a Steve အထိပေါ့လေ) အခု သူ့ရဲ့ကြိုးစားအားထုတ်မှုက အသီးအပွင့်ဖြစ်ခဲ့ပြီလို့ ဆိုရမှာပါပဲ။ စန်ဒရာဘူးလော့ခ်ဟာ စကားပြော လိမ္မာပါးနပ်တဲ့ အမျိုးသမီးတစ်ယောက် ဆိုတာလည်း သတိထားမိခဲ့ပါတယ်။

ဆုပေးပွဲမတိုင်ခင် ကာလတွေမှာ အငြင်းပွားဖွယ်ရာ အားပြိုင်မှု အကောင်းဆုံးဖြစ်ခဲ့တဲ့ အကောင်းဆုံး ဒါရိုက်တာဆုကိုတော Hurt Locker ဇာတ်ကားရဲ့ ဖန်တီးရှင် ကစ်သရင်းဘိဂျလို(Kathryn Bigelow)က ဆွတ်ခူးသွားပါတယ်။ ကစ်သရင်းဘိဂျလို စင်မြင့်ပေါ်တက်လာတော့ စင်အောက်ကပုဂ္ဂိုလ်တွေရဲ့ အားပေးအော်ဟစ်သံ ဆူညံသွားတာ သတိထားမိတယ်။ အဲဒီအသံတွေက (ရွှေကမ္ဘာလုံးဆုယူခဲ့တဲ့) ဂျိန်းစ်ကင်မရွန်းကို သွေးတိုးစေမလားပဲ။ အော်စကာစင်မြင့်ပေါ်မှာ I am king of the universe လို့အော်ဖို့ အိမ်မှာ ကြိုတင်လေ့ကျင့်လာခဲ့လို့ ရှိရင်တော့ အဲဒါက အလကားဖြစ်သွားရပြီပေါ့လေ။ ကစ်သရင်းဘိဂျလိုက အီရတ်၊အာဖဂန်နစ္စတန်၊ အရှေ့အလယ်ပိုင်း ကမ္ဘာ့အရပ်ရပ်က စစ်သားတွေအားလုံး အိမ်ကို ကောင်းမွန်စွာပြန်နိုင်ပါစေ လို့ ကျေးဇူးတင်စကားနဲ့ ဆုတောင်းပြီး
စင်ပေါ်ကဆင်းသွားတဲ့နောက် ဟောလိဝုဒ်ရဲ့စူပါကြီး (အော်စကာ နှစ်နှစ်ဆက်တိုက် နှစ်ထပ်ကွမ်း) တွမ်ဟန့်ခ် တက်လာပါတယ်။

ကျွန်တော်တို့ကြည့်ရတဲ့ ရုပ်သံလိုင်းကပဲ ဖြတ်တောက်ထားလို့ လားမသိ၊ ဒီတစ်ခေါက် အော်စကာပေးပွဲက တက်သုတ်ရိုက် ပေးနေသလိုပါပဲ။ တွမ်ဟန့်ခ်က စကားကို စက္ကန့်ပိုင်းလောက်ပဲပြောပြီး စာအိပ်ကို ရုတ်တရက်ဖွင့်လို့ အကောင်းဆုံးဇာတ်ကားဆုကို ကလိတာတွေ ရင်ခုန်အောင်တွေမလုပ်ဘဲ ချက်ချင်းကြေငြာလိုက်ပါတယ်။ Hurt Locker ။

အော်စကာဆုခြောက်ဆုနဲ့ ဒီနှစ်အော်စကာစင်မြင့်ပေါ် Hurt Locker အဖွဲ့သားတွေ တက်ရောက် အောင်ပွဲခံနေတာကိုကြည့်ပြီး ဒီဇာတ်ကား အကောင်းဆုံးဇာတ်ကားဆု ရရှိသွားတဲ့အပေါ် ကျွန်တော်သတိပြုမိတာ တစ်ခုရှိပါတယ်။

အော်စကာဆုပေးပွဲတွေကို ၂၀၀၄ခုနှစ်အထိပြန်ကြည့်ရင် ၂၀၀၄ခုနှစ်မှာ အကောင်းဆုံး ဇာတ်ကားဆုရော ဒါရိုက်တာပါ MILLION DOLLAR BABY ရခဲ့တယ်။ ၂၀၀၅မှာ အကောင်းဆုံးဇာတ်ကားဆုကို CRASH ကရပြီး ဒါရိုက်တာဆုကို Brokeback Mountain ဇာတ်ကားနဲ့ အန်းလီက ရတယ်။ ၂၀၀၆မှာ အကောင်းဆုံး ဇာတ်ကားရော ဒါရိုက်တာဆုပTHE DEPARTED က ရတယ်။ ၂၀၀၇မှာ အကောင်းဆုံး ဇာတ်ကားရော ဒါရိုက်တာဆုပါ NO COUNTRY FOR OLD MEN က ရတယ်။ ၂၀၀၈မှာ အကောင်းဆုံး ဇာတ်ကားရော ဒါရိုက်တာဆုပါ SLUMDOG MILLIONAIRE က ရတယ်။ အခု ၂၀၀၉အတွက် အကောင်းဆုံး ဇာတ်ကားရော ဒါရိုက်တာဆုပါ Hurt Locker က ရတယ်။ ဆိုလိုတာက၂၀၀၄ကစလို့ သတိထားကြည့်ရင် အကောင်းဆုံး ဇာတ်ကားဆုတွေဟာ လူ့အရင်းမြစ်ကို အခြေခံပြီး ရိုက်ကူးခဲ့တဲ့ ကားတွေချည်းဖြစ်နေတာပဲ။ ဒါက တိုက်ဆိုင်မှုတစ်ခုလည်း ဖြစ်နိုင်သလို တစ်ဖက်ကစဉ်းစားကြည့်ရင် မျက်မှောက်ခေတ် လူ့အဖွဲ့အစည်းမှာ ကြုံတွေ့နေရတဲ့ အဖြစ်အပျက်ကို အခြေခံရိုက်ကူးခဲ့တဲ့ ဇာတ်ကားတွေကသာ အော်စကာအရာမှာ အလေးသာလာတဲ့ သဘောပဲ။ ဒါကြောင့်ပဲ အကောင်းဆုံး ဇာတ်ကားနှစ်ကား ထိပ်တိုက်တွေ့ချိန်မှာ အီရတ်ကမိုင်းရှင်းတပ်သားနဲ့ အမေရိကန်စစ်သားတွေရဲ့ ဘ၀ကို ရိုက်ကူးပြခဲ့တဲ့ Hurt Lockeru က တောတွင်းသားမောဂ္ဂလိနဲ့မဲ့ထရစ် (Matrix) ပေါင်းစပ်ထားသလို စိတ်ကူးယဉ်ဇာတ်ကားသက်သက် Avator ကို အနိုင်ရရှိခဲ့တာများလားလို့ တွေးတောစရာ ဖြစ်ခဲ့ပါတယ်။ Hurt Locker လို ဇာတ်ကားမျိုးဟာ ၀င်ငွေ သောက်သောက်လဲရတဲ့ ဇာတ်ကားမျိုးမဟုတ်ပါဘူး။ သူ့ရှေ့က အကောင်းဆုံးဆုရ ဇာတ်ကားတွေ ဖြစ်တဲ့ NO COUNTRY FOR OLD MEN တို့ CRASH တို့လိုပဲ သာမန် ရုပ်ရှင်ကြည့် ပရိသတ် တစ်ယောက်အဖို့ ဇာတ်ကားတစ်ဝက်တောင် ပြီးအောင်ကြည့်ဖို့ မလွယ်တဲ့ ဇာတ်ကားမျိုးဖြစ်ပါတယ်။ Avator လိုဇာတ်ကားမျိုးကျတော့ အားလုံးသိတဲ့အတိုင်းပဲ ကမ္ဘာတစ်ဝန်းက ရုပ်ရှင်ကြည့်ပရိသတ် လူမျိုးဘာသာ အသက်ကြီးငယ်မရွေး ကြည့်နိုင် ကြိုက်နိုင်တဲ့ ဇာတ်ကားမျိုးမဟုတ်လား။ ဆု မရရှိတဲ့ကားကို မကောင်းဘူးလို့ ဆိုလိုတာ မဟုတ်ပါဘူး၊ ကောင်းတာချင်းတူရင် လူအရင်းမြစ်နဲ့ တကယ့်ဘ၀နောက်ခံ ဇာတ်ကားတွေက ပိုအလေးသာလာတဲ့ သဘောမျိုး တွေ့ရတာကို ပြောတာပါ။

နောက်တစ်ခုက ကမ္ဘာမှာအကြီးကျယ်ဆုံးနဲ့ ဂုဏ်ယူစရာအကောင်းဆုံး အနုပညာဆုတွေထဲက တစ်ခုဖြစ်တဲ့ အော်စကာဆုကို ပေးအပ်ချီးမြင့်ခြင်းခံရတာတောင် ဆုရရှိတဲ့အနုပညာရှင် အသီးသီးဟာ အတိုင်းမသိဝမ်းမြောက်ဂုဏ်ယူဟန်ရှိပေမယ့် ဣနြေ္ဒရရနဲ့ ဆုလက်ခံယူခဲ့ကြတာ တွေ့ရတော့ သူတို့တတွေရဲ့ တည်ငြိမ်ရင့်ကျက်မှုကို ချီးကျူးမိပါတယ်။ ဒါဟာ ဒီနှစ်ပိုင်းတွေမှာ ကျွန်တော် သတိထားမိလာတာတွေပါ။ ဆုရရှိသူတွေဟာ အရင့်အရင် အော်စကာပေးပွဲတွေမှာ တွေ့ရတတ်သလို ထိပ်လှန့်အံ့သြ၀မ်းသာဟန် အမူအယာခပ်ပိုပိုနဲ့ ငိုပြရီပြတာတွေ မလုပ်တော့သလို ဘာပြောရမှန်း မသိအောင် တုန်လှုပ် ခြောက်ခြားဖြစ်ရတာမျိုး ငိုကြီးချက်မ ဖြစ်ရတာမျိုး တစ်ယောက်မှ မတွေ့ရတော့ပါဘူး။

တစ်ခုတော့ရှိတာပေါ့လေ။ အော်စကာ စကာတင်တွေရွေးချယ်ပြီး တစ်ယောက်က ဆွတ်ခူးသွားတဲ့အချိန်မှာ အော်စကာဆုနဲ့ လွဲသွားရတဲ့ အနုပညာရှင်တွေရဲ့မျက်နှာကတော့ သိသိသာသာ ညိုးနွမ်းသွားကြတာ တွေ့ရပါတယ်။ ဒါကတော့ သူတို့လည်း လောကီသားပေမို့
လို့ဆိုရမလိုပါပဲ။

မောင်ယုပိုင်

ကဗျာသေမှုသေခင်း

8
Posted by မောင်ယုပိုင် on February 24, 2010 – 6:27 pm
Filed under ကဗျာ, အရေးအသား

Robert_Rauschenberg's_untitled_'combine',_1963

- untitled combine(1963) by Robert Rauschenberg

မယုံနိုင်ဘူးမဟုတ်လား
မနေ့တစ်နေ့ကအထိ အကောင်းကြီးရှိသေး ခင်ဗျားနဲ့
တပူးပူးတတွဲတွဲရှိခဲ့သေး မဟုတ်လား
တကယ်ပါ မီဒီယာတွေမှာ ရှာကြည့်နိုင်ပါတယ်
‘ကဗျာသေပြီ’

“ကဗျာသေနေပုံဟာ အိပ်နေသလိုပါပဲလားကွယ်၊ ဘယ်လိုများဖြစ်ရတာလဲ ကဗျာရယ် ကဗျာမှာ ဘာအပြစ်ရှိလို့လဲ၊ ကဗျာမှာ ဘာပြဿနာတွေများ ရှိနေလို့လဲ၊ ကျွန်တော်သိသလောက်ကတော့ ကျွန်တော့်ကဗျာလေးမှာ ဘာနောက်ကြောင်းအရှုပ်အရှင်းမှ မရှိသလို တွေးခေါ်ပုံကအစ၊ အာရုံခံစားမှုအလယ်၊ ဘာသာစကားဝတ်စားဆင်ယင်မှုအဆုံး ရှိတာလေးနဲ့ ရိုးရိုးအေးအေးလေး နေခဲ့သူပါဗျာ လုပ်ပါဦး ဆရာတို့ရယ် ကျွန်တော့်ကဗျာလေးကို ကယ်ပါဦး၊ ကျွန်တော့်မှာ ရှိသမျှ ပါးလှပ်တဲ့နှလုံးသားတွေ၊ ဈာန်တွေ၊ ဇောတွေ၊ ဆဠမအာရုံတွေ၊ သမိုင်းစိတ်တွေ၊ ခေတ်အမြင်တွေ၊ စေတနာတွေ၊ ဝေဒနာတွေ စည်းစိမ်တွေ အားလုံးကုန်ချင် ကုန်သွားပါစေ ကျွန်တော့်ကဗျာလေး အသက်ပြန်ရဖို့ပဲ အရေးကြီးပါတယ်”

ဟုတ်ပါပြီ၊ အဲဒါ ခင်ဗျားသိသလောက် ခင်ဗျားကဗျာလေးပေါ့၊ ခင်ဗျားကဗျာလေးက ခင်ဗျားသိသလောက်ပဲပေါ့၊ အဲဒါ

ရှား။ ။’ဘယ့်နှယ်လဲဗျို့၊ ခင်ဗျား ဘယ်လိုထင်သလဲ’
နုပ်။ ။’ကျုပ်ဖြင့် မတွေးတတ်အောင်ပဲဗျို့’

“အဲဒီ ထင်းနေတဲ့လက်ဗွေရာတွေကို ကြည့်ရင် ကဗျာကို သူတို့ နိုင်လိုမင်းထက်ကိုင်တွင်ခဲ့တယ်ဆိုတာ သိနိုင်တယ်”
“ဟောဒီမှာ တွေ့လား ညှို့မဲနေတဲ့ ဒဏ်ရာတွေ၊ အဲဒါ သူတို့ အထက်စီးကချယ်လှယ်ချုပ်ကိုင်ခဲ့တာတွေပေါ့”
“သင်္ကေတ၊ နိမိတ်ပုံ၊ အလင်္ကာနဲ့ ၀ါကျဆင်ယင်ထုံးဖွဲ့မှုလိုင်းတွေကို ကြည့်ရင် သူတို့အစဉ်အဆက် ရှေးရိုးအတိုင်း ပုံသွင်းထားတာတွေ့နိုင်ပါတယ်”
“ရုပ်ပိုင်းဆိုင်ရာပုံသဏ္ဍန်ကိုကြည့်ရတာလည်း အလင်းရောင်နဲ့ လေကောင်းလေသန့် ကောင်းစွာမရခဲ့တာကို ပြနေတာပဲ”
“ကဗျာရဲ့သီးချိန်ပွင့်ချိန်သဘာဝဆိုပေမယ့် ကဗျာအုပ်ထိန်းသူတွေရဲ့ သဘာဝနဲ့အချိန်ကိုလည်း ထည့်သွင်းစဉ်းစားဖို့လိုပါလိမ့်မယ်”
(ဓါတ်ခွဲခန်းက ရရှိတဲ့အချက်အလက်တချို့)

သက်ဆိုင်ရာက ကဗျာနဲ့ပတ်သက်ခဲ့သူတွေကို တွေ့ဆုံပြီး ကဗျာအပေါ် သဘောထားလေး မေးမြန်းကြည့်တော့ ကဗျာကို ဘယ်လောက်ချစ်ကြောင်းတွေ၊ ဘယ်လောက်တန်ဖိုးထား မျှော်လင့်ခဲ့တဲ့အကြောင်းတွေ လှည့်ကြည့်စရာ မလိုလောက်အောင် ယုံကြည်စိတ်ချ လိမ္မာရေးခြား ရှိခဲ့ပုံလေးတွေ အလုအယက်(အထုပ်)ဖြေကြ

“ကဲ ဒါဖြင့် ဒီကဗျာရဲ့နောက်ကြောင်းကို ခြေရာခံချင်ပါတယ် ဒီကဗျာ ဘယ်ကလာသလဲ၊ ကဗျာကို ဒီနေရာရောက်အောင် ဘယ်သူခေါ်ဆောင်ခဲ့သလဲ၊ ဘယ်တစ်ယောက်ဘယ်တစ်ဖွဲ့မှာ တာဝန်ရှိသလဲ၊ တာဝန်ယူမလဲ၊ ကိုယ့်သွေးသားအစစ်က ဖြစ်တယ်ဆိုတာ သက်သေပြ နိုင်မလား၊ မွေးစားလား၊ ဆွေမျိုးတော်စပ်လား၊ ကူဖေါ်လောင်ဖက်လား၊ ၀ိုင်းလုပ်ဝိုင်းစားလား
စာရွက်စာတမ်းတွေ ပြနိုင်မလား”

“စိတ်မရှိပါနဲ့ဗျာ ကျုပ်တို့လည်းဝတ္တရားအရ မေးမြန်းရတာပါပဲ”

အဓိကတရားခံ၊ ကြံရာပါ၊ အားပေးအားမြောက်သူ၊ ပူးပေါင်းကြံစည်တာလည်းဖြစ်နိုင်တယ်၊ ကြိုတင်ကြံစည်တာလည်း ဖြစ်နိုင်တယ်၊ မိမိကိုယ်ကိုကာကွယ်ရင်းနဲ့လက်လွန်သွားတာလည်း ဖြစ်နိုင်တာပဲ၊ လောလောဆယ် တရားခံက ထွက်ပြေးတိမ်းရှောင်နေပါတယ်
ဝရမ်းထုတ်ဖို့အတွက်ပုံကြမ်း ထုတ်ဖို့အတွက် မျက်မြေသက်သေ ထုတ်ဖို့အတွက် . . . . . .
တရားခံက ခင်ဗျားနဲ့နီးလျက်နဲ့ဝေးနေတာလည်း ဖြစ်နေနိုင်ပါတယ်

တရားခံဟာ ဘယ်လိုတရားတွေလိုနေတဲ့ တရားလိုလဲ၊ တရားလိုဟာ ဘယ်လိုတရားတွေခံနေတဲ့ တရားခံလဲ သက်သေလူကြီးမင်းအတွက် ဘယ်သူသက်သက်လုပ်ပေးမလဲ

ဘာပဲဖြစ်ဖြစ် ဒီမသင်္ကာဖွယ်စာရင်းမှာ ခင်ဗျားမပါဖို့တော့ မျှော်လင့်ရတာပဲ

ခင်ဗျားအနေနဲ့လက်ခံဖို့ ခဲယဉ်းနေမယ်ဆိုတာ ကျွန်တော်လက်ခံပါတယ်
ဒဏ္ဍာရီကို လက်ခံဖို့ ခဲယဉ်းသလို
ယုံတမ်းစကားကို လက်မခံနိုင်သလို
အရူးစကားကို လက်မခံသင့်သလို
ကောလဟာလကို လက်မခံချင်သလို
တခြားဖြစ်ရပ်တွေကို ခံဖို့လက်မရှိခြင်းလည်း ဖြစ်နိုင်ပါတယ်

ကိုယ့်မျက်လုံးကိုယ် ဘာမယုံစရာမှ မရှိပါဘူး၊ မယုံရတာက မိမိသိမှုအကြည့်ရဲ့မိုးကုပ်စက်ဝိုင်းတဆုံး(ခင်ဗျားမျက်လုံး)ပဲ
သေတဲ့ကဗျာကဖြင့် သေပြီ

တရားနဲ့ဖြေပါလို့လည်း မဆိုရက်
သူတို့တရားက ကဗျာဆိုတော့လေ

ဒါပေမယ့် ဒီနေရာမှာ စဉ်းစားရမှာက
ဒီနေရာမှာ ဘယ်လိုစဉ်းစားသလဲဆိုတာပဲ

ရှား။ ။ဒီအမှုဟာ ကျုပ်ထင်ထားတာထက်တောင် ပိုပြီးခက်ခဲနက်နဲနေပါသကောဗျာ
နုပ်။ ။’ကျုပ်’ ထင်ထားတာတွေကလည်း ‘ကျုပ်’ သိရသလောက်နဲ့ ရသလောက် အသိကလေးပဲကိုး

တခြားဖြစ်နိုင်သေးတာက ကဗျာဟာ သူ့ကိုယ်သူ သေကြောင်းကြံစည်တာလား၊ ကဗျာရဲ့ အသက်နဲ့အရှက်ကို ငွေကြေးနဲ့လှဲလှယ်ခံလိုက်ရတာလား၊ (၁၈နှစ်အောက် ကဗျာဖြစ်ခဲ့လို့ရှိရင်) သွေးဆောင်ဖြားယောင်း မတရားခိုင်းစေ သားမယားပြုကျင့် အသတ်ခံလိုက်ရတာလား၊ အင်ဖေါ်မေးရှင်းနဲ့ တက်ကနိုလော်ဂျီခေတ်ကြီးမှာ ကဗျာဟာ သိမ်ငယ်ပျောက်ဆုံးခဲ့ရလို့လား၊ ဂလိုဘယ်လိုက်ဇေးရှင်းမှာ သူ့နယ်နိမိတ်တွေေ၀၀ါးရောယှက်ခံရလို့လား၊ မြို့ပြယဉ်ကျေးမှုကို သူနာကျဉ်းစိတ်ကုန် သွားလို့လား၊ အုပ်ထိန်းသူတွေရဲ့ဖိအားကို သူ မခံနိုင်တော့လို့လား၊ (အပြောင်းအလဲမရှိတဲ့) သူ့ဘ၀ကိုသူ ငြီးငွေ့သွားလို့လား၊ ဒါမှမဟုတ် အင်တာနက်နဲ့ E-Bookတွေ ရမ်းကားလက်လွန်မှုမှာ သားကောင်ဖြစ်ရရှာသည့်ကဗျာလား၊ ပေါင်မုန့်ပိတ်ဆို့မှု ပြုလုပ်ခံပေါ်လစီနိုင်ငံမှာ ဓါးစာခံဖြစ်ရရှာသည့် ကဗျာလား၊ ဒါမှမဟုတ် ကဗျာချစ်သူဆိုသူများရဲ့ အုပ်စုဂိုဏ်းဖွဲ့အပြိုင်ဆိုင်လုယက် တိုက်ခိုက်မှုများကြား မြေဇာပင်ဖြစ်ရတာလား၊
ကဗျာက ‘လှ’ တာကိုး။

ကဗျာဟာ ကိုယ့်အတတ်ကိုယ်စူးသွားတာလား၊ ကဗျာဟာ အိုဗာဒို့စ်ဖြစ်သွားတာလား၊ ကဗျာဟာ ရိုးရိုးတန်းတန်းလူကြီးရောဂါနဲ့ မီးဇာကုန်သွားတာလား၊ ကဗျာဟာ ဥပစ္ဆေဒကကံထိုက်သွားတာလား၊
‘ကဗျာကို သတ်လိုက်တာ ဘယ်သူတုန်း’

ကဗျာမှာ နောက်ဘ၀ရှိသလား၊ ကဗျာရဲ့နောက်ဘ၀ဟာ စကားပြေ(ကဗျာ)လား၊ ကဗျာရဲ့နောက်ဘ၀ဟာ ပန်းချီလား၊ အင်စတော်လေးရှင်း၊ ပါဖောမင်း၊ ဂီတ၊ ရုပ်ရှင်တို့ရဲ့ အတိတ်ဘုံဘ၀မှာ ကဗျာဖြစ်ခဲ့သလား

ရှား။ ။အခုသေသူဟာ ကဗျာပါပဲ၊ ဒါပေမယ့် ကဗျာမဟုတ်ဘူးဗျ
နုပ်။ ။ကျုပ်တော့ ဘယ်လိုမှ နားမလည်နိုင်အောင်ပဲဗျို့

ကဗျာကားကွယ်လွန်လေပြီ ကဗျာသက်တော်ရာကျော်ရှည်ပါစေ။

မောင်ယုပိုင်
၂၀၀၈ခုနှစ် ဖေဖေါ်ဝါရီ ၂၄

ထမင်းစားရေသောက်အဓိပ္ပါယ်

2
Posted by မောင်ယုပိုင် on February 9, 2010 – 8:12 pm
Filed under ကဗျာ

Hieronymus_Bosch_-_The_Garden_of_Earthly_Delights_-_The_exterior_(shutters)

- Creation (De schepping van de wereld) 1480-1490 by Jheronimus Bosch

ကျွန်တော်တို့အားလုံး အဓိပ္ပါယ်မရှိတာတွေ လုပ်ခဲ့ဖူးတာချည်းပဲ (အီရတ်ပြန် အမေရိကန် စစ်သားတစ်ဦးအား လူသတ်မှုဖြင့် ရဲစခန်းတွင် စစ်ဆေးမေးမြန်းစဉ်) အီရတ်စစ်ပွဲအတွက် ကျွန်တော်နောင်တမရပါဘူး (၂၀၀၈သမတ္တဘုရ်ှမိန့်ခွန်းမှ) ဆိုတော့ ကမ္ဘာကြီးဟာ နားလည်ရ ခက်ဆဲပဲ၊ အဆုံးမှာ ဘယ်လိုနားလည်လာသလဲဆိုတော့ ဘယ်လိုနားလည်လိုက်ရ သလဲဆို တော့ ‘ငါ ဘယ်တော့မှ နားမလည်နိုင်တော့ဘူး’လို့၊ ငါ နားလည်လည် မလည်လည် ကမ္ဘာကြီးကဆက်လည်နေမှာပဲလို့။ တွေးကြည့်ရင် တစ်ဖက်မှာ အဓိပ္ပါယ်ဟာ ကုန်းကောက်စရာတောင်မရှိ၊ မူးလို့ရှူစရာမရှိ၊ တစ်ဖက်မှာတော့ အဓိပ္ပါယ်ဟာ လျှံများတောင်ကျလို့။ (အဓိပ္ပါယ်)ရှိတဲ့သူတွေများ ရှိပြီးရင်းရှိလို့။ စာရွက်စာတမ်းကိစ္စတဲ့၊ မပြေးရမလွားရဘူးလား။ ၀မ်းမီးကိစ္စတဲ့ ခေါင်းမီးမတောက်ရဘူးလား။ ဂဏန်းအသားစားဖို့ ဇွန်းခက်ရင်းအပြင် ဓါးနဲ့တူနဲ့ပလိုင်ယာနဲ့ ခရမ်းချဉ်သီးဆွပ်လား ချဉ်ငံစပ်လား သခွားသီးအချဉ်လား မရွေးရဘူးလား။ လုပ်ငန်းသုံးရန်၊ လုပ်ငန်းသုံးကွန်ပြူတာမှာသုံးရန် မှတ်ဥာဏ်သိုလှောင်ကိရိယာလေးနဲ့ အဲဒီကိရိယာလေးမှာသုံးရန် အင်တီဗိုင်းရပ်စ်ဆော့ဖ်ဝဲနဲ့ အဲဒီဆော့ဖ်ဝဲကို အင်စတောလုပ်ရန် အင်စတောလုပ်ရာတွင် လိုင်စင်နံပါတ်ဖြည့်စွက်ရန် အင်စတောလုပ်ထားပြီးပေမယ့် အပ်ဒိတ်လုပ်ရန် တခါတလေဗိုင်းရပ်စ်က အင်တီဗိုင်းရပ်စ် ဟန်ဆောင်လာတာမျိုးရှိလို့ သတိပြုရန်၊ မျက်ခုံးစက်ထိုး၊ နှုတ်ခမ်းလိုင်းဖေါ်၊ လက်သည်းပန်းချီ၊ ဂျိုင်းပေါင်းဒူးခေါင်းဖြူ စသဖြင့် စသဖြင့် ပညာသင်၊ ကျောင်းပြီး၊ အိမ်ထောင်ယူ၊ ကလေးမွေး၊ ရုန်းကန်၊ တရားရုံးရောက်၊ ဆေးရုံဆေးခန်းရောက်၊ စိတ်နာ၊ အထီးကျန်၊ မပျော်ရွင်၊ အိုမင်း၊ သေဆုံး စသဖြင့် စသဖြင့် ဘယ်လောက်အဓိပ္ပါယ်ရှိလိုက်တဲ့ ကမ္ဘာကြီးလဲ။ တချို့များဆို မင်းလေးက ငါ့ဘ၀အဓိပ္ပါယ်ပဲတဲ့၊ ကဲ။ ဒိထက် ဘာအဓိပ္ပါယ်ရှိချင်သေးသလဲ၊ အဓိပ္ပါယ်တွေများမှများ၊ ရှိပ်စပီးယားပြဇာတ်များကနေ လူပေါင်းရာထောင်ချီ ၀က်လက်စလစ်ပြေးပွဲများအထိ ကမ္ဘာကြီးဟာ အဓိပ္ပါယ်တွေ’တောင်’ပုံ ယာပုံ။ ‘ကိုင်းကိုင်း ငိုနေလို့မပြီးဘူး’တဲ့၊ ‘သေတဲ့လူလည်း ပြန်ရှင်မလာတော့ဘူး’ တဲ့၊ ‘လူဆိုတာ သေမျိုးပဲ’တဲ့၊ စီစဉ်စရာရှိတာလေးတွေ စီစဉ်ရမတဲ့၊ လုပ်စရာရှိတာလေးတွေ လုပ်ကြရမတဲ့၊ သေသောသူကြာရင်မေ့ဆိုသလို၊ ‘တရားနဲ့ဖြေပေါ့ကွာ’ဆိုသလို၊ ကိုယ့်တရားနဲ့ကိုယ် ကောက်ဖြေလိုက်ကြ၊ ကျားသားမိုးကြိုးတွေ ပြေလည်းပြေသွားကြ။ မပြေလို့လည်းမရ(သလိုလို)။ တွေ့ဆုံဧည့်ခံရန်ကျန်သေး၊ ကျေးဇူးတင်ရှိရန်ကျန်သေး၊ သွားလေသူအတွက် ကျန်ရစ်သူတို့ ဆက်လက်ဆောင်ရွက်သွားရန် ကျန်သေး၊ ရက်လည်မှာ ဈာပနအခမ်းအနား မှတ်တမ်းတင် ဒီဗွီဒီပြရန် ကျန်သေး၊ ‘ငါ’ ကျန်သေး၊ ပတ်ဝန်းကျင်က ရှိသေးတယ်မဟုတ်လား၊ လူမှုရေးက ရှိသေးတယ်မဟုတ်လား၊ ဟုတ်မှာပေါ့ဗျာ၊ ဟုတ်နေကြတာပဲဗျာ၊ ပစ်တင်ပစ်ချ၊ ပေါ့ပေါ့ပါးပါး၊ ညရေးညတာလည်းသုံးနိုင် အရေးအကြောင်းဆို သယ်ရလွယ်သုံးရလွယ် ကိုယ်ပိုင်အဓိပ္ပါယ်လေးတစ်ခု ကျွန်တော်လည်း လိုချင်အားကျမိပါရဲ့ဗျာ။ သူတို့ပြောပုံအရတော့ အဓိပ္ပါယ်ဟာ အမြို့အမြို့အဆိုင်ဆိုင်တိုင်းမှာ ၀ယ်ယူရရှိနိုင်သလိုလို၊ လူမျိုးမရွေးဘာသာမရွေးပဲ စားသုံးနိုင်သလိုလို။

မောင်ယုပိုင်
၂၀၀၈ခုနှစ်၊ ဇူလိုင်လ။

လူကြီး/လူကောင်း

2
Posted by မောင်ယုပိုင် on February 5, 2010 – 10:18 pm
Filed under ကဗျာ

Guernica
Guernica (1937) by Picasso

ခုကနေစ အရန်မီးသတ်တပ်ဖွဲ့ထဲ ၀င်လိုက်တယ်။ နောက်မကျသေးပါဘူး၊
ချစ်သူတစ်ယောက်၊ ကြင်နာသူတစ်ယောက်၊ ကလေးမလေးတစ်ယောက်
ပေါင်းသုံးယောက် ‘အဖော်’ ရှာထားတယ်။ အခုမှစမယ်၊
ဒါပေမယ့် ဘာသင်တန်းမှမတက်တော့ဘူး။ ဘာအနာဂတ်စီမံကိန်းမှ မဆွဲတော့ဘူး။ အခြေအနေအရအပြောင်းအလဲရှိနိုင်တယ်။ သဘာဝဘေးအန္တရာယ်ကပ်၊ စီးပွားရေးကပ်၊
အခု ကပ်ရောဂါ၊ ကမ္ဘာနဲ့ချီဖြစ်လာမှတော့လည်း မတတ်နိုင်ဘူး။
ကိုယ့်ဖက်က ခုခံအားကျဆင်းမသွားဖို့ပဲ။
အသွားအလာ ပျက်စရာ မရှိပါဘူး။
‘စာ’ ပိုဖတ်လာတယ်။ စွဲလည်းစွဲလန်းပြီး တတ်လည်းတတ်နိုင်တာ ရုပ်ရှင်/တေး/ကဗျာပဲ ကျန်တော့တယ်လို့ ကိုယ့်အကြောင်းကိုယ် ရှင်းလာတယ်။
အကြိမ်ရာထောင် အမှားထဲက သင်ခန်းစာယူရင်း ကဗျာအက်ဒီဆင် မီးသီးလင်းလာတယ်။
ရှာဖွေရင် ရှာဖွေတဲ့အလုပ်တစ်ခုတိုးရုံပဲရှိမယ်ဆိုတဲ့ ‘ဇင်’သဘောနဲ့ပြောရရင် ကဗျာဟာ ငါ့ခန္ဓာမှာရှိပြီးသား။ ငါ ဥာဏ်ရောက်သလောက် ပြောသွားမယ်။ ငရဲနဲ့ကောင်းကင်ဘုံဟာ ငါ့အထဲမှာ။ အိန်ဂျယ်ရော ဒီမွန်းပါ
ငါ့အထဲမှာ။ ဆိုတော့ လေတွေနည်းနည်း လျော့လာတယ်။
ဘယ်သူတွေ တရားပျက်ပျက်ပေါ့၊ ရန်သူ မရှိဘူး၊ ဒါပေမယ့်
မိတ်ဆွေလည်း လက်ချိုးရေလို့ရလာတယ်။
ပစ္စုပ္ပာန်နဲ့တည့်တည့် ကျလာတယ်။ စိတ်ကိုတစ်နည်းနည်းနဲ့ ပြောင်းလဲစေတာ ကြိုက်လာတယ်။ ငါ့ဘို့နဲ့သူမဘို့ပဲ စဉ်းစားတော့တယ်။
ဘဏ်ဓါးမြရုပ်ရှင်တွေ ကြိုက်လာတယ်။
ဘာဖြစ်လဲ၊ မသိရင်မသိဘူးပေါ့၊ မရှိရင်မရှိဘူးပေါ့။
ကားချပ်တွဲတွေ ကြိုက်ရင်ကြိုက်တယ်ပေါ့၊ သောက်လုံးစားလုံးကြီးရင် ကြီးတယ်ပေါ့။ ဒါပေမယ့်ပေါ့၊ ငတေမာရင်ပြီးရောတော့မဟုတ်ဘူး။
ယနေ့နိုင်ငံတကာကို မသိလို့တော့မဟုတ်ဘူး။
ဝေါ့ဒစ္စနေရဲ့အဆုံးအမတွေ မေ့သွားလို့မဟုတ်ပါဘူး။
ဒိထက်ရှင်းတာတောင် ဒီလောက်မရှင်းဘူး
တစ် ဒီအရပ်ဒီဇာတ်မှာ
နှစ် အသက်ကလေးကနည်းနည်း ရလာတဲ့အကြောင်းပါပဲ။ ။

မောင်ယုပိုင်
၂၀၀၉ခုနှစ်၊ ဇူလိုင်လ။

တော်ရုံတန်ရုံအရေးအဖွဲ့

2
Posted by မောင်ယုပိုင် on January 26, 2010 – 11:48 am
Filed under ကဗျာ


- Art by Helen Frankenthaler, Mountains and Sea (1952)

ဟုတ်တယ်၊ ပြောရမှာတောင် အားနာတယ်
ရိုင်းသလိုလည်း ဖြစ်နေမယ်
အလွန်ရိုးစင်းသလိုလည်း ဖြစ်နေမယ်၊ ဒါပေမယ့်
အမှန်ပဲ တော်ရုံတန်ရုံဆိုတာ အသေအချာပဲ
အနူလက်နဲ့ရေခွက်မှာ ရွေခွက်က ရွေရည်စိမ်ဖြစ်ချင်ဖြစ်နေမယ်
အမဲရိုးကို ပြန်အားနာစရာရှိနေတဲ့ ဟင်းအိုးဖြစ်ချင်ဖြစ်နေမယ်
ကညာပျိုနဲ့ဇယာအို ဆိုရာမှာ
သူ့အိုးနဲ့သူ့ဆန် မဟုတ်ရင် သူ့အနာနဲ့သူ့ဆေး တည့်နေသလားမှမသိတာ
ရှဥ့်လည်းလျှောက်သာ ပျားလဲစွဲသာတစ်နေရာ ရှိလိမ့်မယ်
ကိုင်းကျွန်းမှီ ကျွန်းကိုင်းမှီ တစ်နေရာ ရှိလိမ့်မယ်
မီးမှုတ်စရာ နှုတ်ခမ်းပဲ့ချင်း တစ်နေရာမှာ တူညီစွာရှိလိမ့်မယ်
ယုတ်စွဆုံး
ငါကလည်း ကြောင်ခံတွင်းပျက် မင်းကလည်း ဆက်ရက်တောင်ပံကျိုး
ဖြစ်ချင်ဖြစ်နေမယ်
အဲဒီမှာ မင်းနဲ့ငါ တန်ရာတန်ရာတွေ ဖြစ်လာတာပဲ
အဲဒီမှာ မင်းနဲ့ငါ၊ မင်းနဲ့ မင်းမိသားစု၊ မင်းနဲ့ မင်းအပေါင်းအသင်းအရင်းတွေ
မင်းနဲ့ မင်းပတ်ဝန်းကျင်၊ မင်းနဲ့မင်းဇာတိရပ်ရွာ၊ မင်းနဲ့ မင်းလောကဓံ၊ မယုံရင်
ကိုယ့်ရုပ်ကိုယ်မှန်ထဲပြန်ကြည့်သလို ကိုယ့်စိတ်ကိုယ်အမှန်အတိုင်းပြန်ကြည့်
ကိုယ့်စိတ်တစ်ခုတည်းချည်းမကြည့်နဲ့လေ၊ ကိုယ်ဖြစ်ချင်တာချည်း မပြောနဲ့လေ
ကိုယ်က ဘယ်လို ‘ကိုယ်’ လဲ၊ ရုပ်ရည်၊အသက်၊လူမျိုး၊ကိုးကွယ်သည့်ဘာသာ၊
ပညာအရည်အချင်း၊ လုပ်ငန်းအတွေ့အကြုံရှိမရှိ၊ အိမ်ထောင်ရှိမရှိ၊ ရာဇ၀တ်မှုကျူးလွန်ခြင်းရှိမရှိ၊
နိုင်ငံရေးလုပ်ငန်းများ၌ ပါဝင်ပတ်သက်မှုရှိမရှိ
ကိုယ့်ကိုယ်ကို ‘ကိုယ်’ အဖြစ် အာဂတိကင်းကင်း ရွေးချယ်ခန့်အပ်စဉ်းစားနိုင်ရန်
(သီးခြားဝါသနာရှိကဖေါ်ပြရင်း)
မိမိကိုယ်ရေးအကျဉ်းလေး အမှန်တကယ်ထင်ရှားသည့်အမှတ်အသားနဲ့တကွ
ဖြည့်စွက်လျှောက်ထားရန်
ကိုယ့်ကိုယ်ကို ခေါ်တွေ့စစ်ဆေးအင်တာဗျူးကြည့်ပြီးရင်တော့
မကြာခင် အဖြေကျလာမယ်
ကိုယ်တန်တယ်ထင်တာက ဒု-မန်နေဂျင်း၊ ဒု-ဒါရိုက်တာ ဒုတစ်နေရာရာပဲ
ဒါပေမယ့် အဖြေလွှာမှာက ဒါရိုက်ဘာ၊ညစောင့်၊ဒရ၀မ်၊သန့်ရှင်းရေး
ကိုယ်တန်မယ်ထင်တာက တစ်ချိန်ချိန်မှာ ]ထင်းရှူးပင်ရိပ်}ထဲကတစ်ယောက်ယောက်၊
အဖြေလွှာမှာဖေါ်ပြထားတာက အတွင်းစာမျက်နှာအချပ်ပိုဝါသနာရှင်ကလောင်သစ်ကဏ္ဍမှာ ရာသက်ပန်
တန်မယ်ထင်တာက သီအိုလို ညီတစ်ယောက်နဲ့ပဲ၊ ကျလာတဲ့အဖြေလွှာကတော့
သာပေါင်းညာစားမဟုတ်ရင် ခြောက်စားမြောက်စားမဟုတ်ရင်
‘နတ်နေကိုင်း’ ဆိုတာ ရှင်းလင်းပြတ်သားနေတယ်
ငါလိုအရည်အချင်းနဲ့ဆို စင်ကာပူမှာတန်မှာပဲ
ငါလိုလုပ်အားနဲ့ဆို ဂျပန်မှာတန်မှာပဲ
ငါလိုရုပ်ရည်နဲ့ဆို ဂျက်ဆီကာအယ်လ်ဘာနဲ့တန်မှာပဲ
အဖြေလွှာကျလာတဲ့အခါကျတော့
ငါလိုကဗျာဆရာက ဆွစ်ဇလန်နဲ့လည်းမတန်
ပူလစ်ဇာနဲ့လည်းမတန်၊ ဖေါ်ဝေး အောင်ချိမ့် မောင်ချောနွယ်တို့ပါဝင်တဲ့
ကဗျာသမိုင်းမှတ်တမ်းနဲ့လည်း မတန်

အဖြေလွှာမှာဖေါ်ပြထားတာကတော့
တချို့လူ့အဖွဲ့အစည်းနဲ့ ဒီမိုကရေစီ မတန်ခြင်းကြောင့်
တချို့လူ့အဖွဲ့အစည်းနဲ့ ဂလိုဘယ်လိုက်ဇေးရှင်းမတော်ခြင်းကြောင့်
ထို့အတူ
ငါတို့လူ့အဖွဲ့အစည်းနဲ့ ဧရာဝတီမြစ်ကြီး တော်တယ်တန်တယ်
ငါတို့လူ့အဖွဲ့အစည်းနဲ့ ဟိုကွေ့မှာဟိုတက်နဲ့လှော်၊ ငါတို့လူ့အဖွဲ့အစည်းနဲ့
ဆေးမြီးတို၊ ငါတို့လူ့အဖွဲ့အစည်းနဲ့ တော်ရုံတန်ရုံဆို
နောင်ဖြစ်မှနောင်ရှင်း၊ ပွဲပြီးမီးသေ၊ အချိန်တန်နွားပိန်ကန်ပဲပေါ့
ငါတို့လူ့အဖွဲ့အစည်းနဲ့ ငါတို့လူ့အဖွဲ့အစည်း တူပါတယ်တန်ပါတယ်
မတူမတန်ဆိုရင်
ပို့စ်မော်ဒန်လည်း ပို့စ်မော်ဒန်ဖြစ်မလာဘူး
မတော်မတန်ဆိုရင်
ဘုရားသခင်တောင် ဆက်လက်မရှင်သန်နိုင်ဘူး
နေအဖွဲ့အစည်းရဲ့ တော်ရာအကွာဝေးမှာ
ကမ္ဘာကြီးဖြစ်တန်လာသလို ဖြစ်တန်ရာအချိန်ကာလမှာ
လူသားတွေ ဖြစ်တည်လာသလို တော်သလောက်လူ့ယဉ်ကျေးမှုနဲ့
တန်သလောက် စစ်ပွဲကြီးငယ်များဖြစ်ပွားခဲ့ရသလို
အခု ပြောနေဆိုနေတာတွေကို ‘တော်တန်တိတ်’ လို့ဆိုချင်ဆို
တော်လို့မရတာက ကမ္ဘာ့ရာသီဥတုအခြေအနေ
တန်လို့မရတာက ကမ္ဘာ့စားနပ်ရိက္ခာနဲ့လူဦးရေအခြေအနေ
တိတ်လို့မရတာက ကမ္ဘာ့အရပ်ရပ်က အိုင်ဒီယိုလော်ဂျီအခြေအနေ
အခု
ကျွန်တော့်မှာ မြို့မျက်နှာဖုံးအဖေဒေါက်တာကြီးနဲ့ သားကိုအိမ်ငှားလိုဆက်ဆံတတ်တဲ့အမေနဲ့၊ အဖေ အမေတောင် ပြစရာမရှိတဲ့ သူမနဲ့၊ ကိလေသာ တဏှာ ရာဂ ကာမ အာသဝေါနဲ့၊ စာပေ၊ပန်းချီ၊ဂီတ၊ရုပ်ရှင် တစ်ခုမှ အလွတ် မပေးချင်တဲ့ ၀ါသနာနဲ့၊ အလုပ်အကိုင်မှန်သမျှလွတ်ပေးလိုက်ရတဲ့ အရည်အချင်းနဲ့၊ ၀င်ငွေကောင်းပြီး ၀င်ငွေကောင်းတဲ့ ၀င်ငွေကောင်းသောသူကိုမှ ဖိတ်ကြားဧည့်ခံတတ်တဲ့မြို့နေလူ့အဖွဲ့အစည်းနဲ့၊ အစ်ကိုတို့ လင်မယားကြားက မြေဇာပင် တူနဲ့တူမလေးနဲ့၊ ဆယ့်နှစ်လရာသီပွဲလမ်းသဘင်နဲ့ လူမျိုးမရွေးဘာသာမရွေး သူငယ်ချင်းများနဲ့
ကျွန်တော် လှေနံနှစ်ဖက်နင်းရပါတယ် ကျွန်တော်
မျောက်သစ်ကိုင်းလွတ်ဖြစ်ရပါတယ် ကျွန်တော် အိပ်ပေါက်နဲ့ဖားကောက်ရပါတယ်
ရေသာမျှား၍ ငါးမတွေ့ဖြစ်ရပါတယ်၊ အချိန်ကုန်လူပမ်း ဖြစ်ရပါတယ်
ကျွန်တော် ခဲလေသမျှသဲရေကျရပါတယ်
ကျွန်တော် ငြီးငွေ့စိတ်ကုန်အထီးကျန်ကင်းကွာ ရပါတယ်
ဒါပေမယ့်
ကျွန်တော်
တန်ပါတယ်။ ။

မောင်ယုပိုင်
၂၀၀၈