ခမ်းမိုင်ရေ… ငါတော့ လွမ်းတယ်
ကျွန်တော်ဒီမြို့ကို ရောက်တော့ ဘာမှ မယ်မယ်ရရ လုပ်စရာမရှိဘူး။
ဘာအတွက်ကြောင့် ဒီမြို့ကို ရောက်လာရသလဲဆိုတာလည်း သေသေချာချာ ရှင်းမပြတတ်ဘူး။
မြို့ထဲကို ရောက်တဲ့အချိန်က ညနေကျော်လုပြီ။ မြို့အနောက်ဖက်တောင်စောင်းမှာတော့
နေလုံးက မေးတင်လျက်ပဲ။ ဒီအချိန်က ရာသီပြောင်းတဲ့အချိန်။ ဆိုတော့… လွမ်းစရာကောင်းတာပေါ့။
ကျောပိုးအိတ်တစ်လုံးနဲ့ ကျွန်တော့်ပုံစံက မြို့ခံလူတွေအတွက်တော့ လူစိမ်းတစ်ယောက်ပဲ။
ဒီမြို့ကို ဘယ်သူပဲရောက်လာ၊ ရောက်လာ၊ ရောက်လာတဲ့သူဟာ လူစိမ်းပဲ။
ဒါက မြို့မှာထားတဲ့ ဥပဒေသတစ်ခု။ နောက်တော့မှ ကျွန်တော်သိခဲ့ရတဲ့ အကြောင်းတစ်ရပ်ပါပဲ။
မြို့ကို ရောက်ရောက်ချင်းမှာ ဘာမှ လုပ်စရာမရှိဘူးလို့ ကျွန်တော်ပြောထားခဲ့တယ်။
အမှန်တကယ်လည်း လုပ်စရာ မရှိပါဘူး။ ကိုယ်နဲ့သိတဲ့လူတစ်ယောက်တလေများရှိမလား။
စိတ်ကူးတယ်။ နောက်တစ်ခါ ဒီမြို့ရောက်ရင်တော့ ခမ်းမိုင်နဲ့ သိတယ်လို့ ကျွန်တော်ပြောမှာ။
အခုတော့ ဒီမြို့မှာ ကျွန်တော်နဲ့ သိတဲ့လူရှာဖို့ မဖြစ်နိုင်ပါဘူး။ ဒီမြို့ကို တစ်ခါမှ မရောက်ခဲ့ဘူးတာ။
အဲတာဘာဖြစ်လို့ပါလိမ့်။ အမှန်ဆို ဒီမြို့ကို ကျွန်တော်ရောက်ခဲ့ဖူးသင့်တယ်။
အလည်သဘောမျိုးဖြစ်ဖြစ် ရောက်ခဲ့သင့်တယ်။ ( ငါ ရောက်ခဲ့သင့်တယ်မဟုတ်လား ခမ်းမိုင်)
ခင်ဗျားတို့လည်း သွားကြည့်ကြဖို့ ကျွန်တော်တိုက်တွန်းချင်တယ်။ ခင်ဗျားတို့လာရင်
ကျွန်တော်နဲ့ သိတယ်လို့ ပြောလိုက်ရုံပေါ့။ ဒီမြို့မှာအသိရှိရင် စားရသောက်ရ ပိုလွယ်ကူတယ်။
မြို့ကိုလည်း ရောက်စအချိန်။ အသိကလည်း တစ်ယောက်မှမတွေ့။
(ခမ်းမိုင်ရေ… အဲ့ဒီတုန်းက ငါတစ်ကယ် စိတ်ပျက်မိတယ်) နောက်ပိုင်းမှ ခမ်းမိုင်နဲ့ တွေ့တာလေ။
ပထမတော့ တည်းခိုးခန်းရှာဖို့စိတ်ကူးတယ်။ မြို့မှာ တည်းခိုခန်းမရှိဘူး တဲ့။
တည်းခိုးခန်းမရှိတဲ့ မြို့ဆိုတာကို ခင်ဗျားတို့ကြားဖူးလား။ ကျွန်တော်ကတော့ ကြုံဖူးခဲ့တယ်။
အဲတာကြောင့် ပြောတာ။ ဒီမြို့ကိုရောက်ရင် အသိရှိမှ အဆင်ပြေတာလို့။ ခင်ဗျားတို့လာရင်
ကျွန်တော်နဲ့ သိတယ်လို့ပြော။ ကျွန်တော် ဘာလုပ်ရမလဲ စဉ်းစားမိတယ်။ နေကလည်း ၀င်ပြီ။
အိပ်စရာက မရှိ။ အတော်စိတ်ပျက်စရာ ကောင်းတဲ့မြို့ပဲ။
လမ်းမီးတိုင်က နီယွန်တွေ ရောင်ဖြာဆင်းလာတယ်။ ရုတ်တရက်ကြီးဆိုတော့
စိတ်ထဲမှာတောင် ထိတ်ခနဲဖြစ်သွားတယ်။ လမ်းပေါ်မှာ လူတွေရှိနေသေးမယ့် စိတ်က လန့်နေတယ်။
(ဒီအကြောင်း ခမ်းမိုင်ကို ပြောပြရင် သူရယ်နေမှာ) မြို့လမ်းမပေါ်မှာ ရှိနေပေမယ့် လူက
ဘယ်သွားလို့ သွားရမယ်မသိဖြစ်နေတယ်။ ခမ်းမိုင်ရေ… နင် အခုဘယ်မှာ ရှိနေလဲ။
ကျွန်တော် ဗိုက်မဆာပါဘူး။ စိတ်တော့ ဆာနေတယ်။ တစ်ခုပြောရဦးမယ်။
ဒီမြို့မှာ လမ်းဘေးစားသောက်ဆိုင်တွေလည်း မရှိဘူး။ ကွမ်းယာ၊ ဆေးလိပ်။ ဘာဆိုင်မှ မရှိဘူး။
ဒီမြို့ကိုလာရင် အသိရှိဖို့လိုတယ်ဆိုတာ အဲတာကြောင့် ကျွန်တော်ပြောခဲ့တာပေါ့။
ဒီမြို့မှာ ကိုယ်ပိုင်ကား၊ ဘတ်စ်ကား၊ နွားလှည်း၊ မြင်းလှည်း၊ ဆိုက်ကား ဘာဆို၊ ဘာမှမရှိဘူး။
လူတွေအကုန်လုံး လမ်းပေါ်မှာ လမ်းလျှောက်နေကြတာပဲရှိတယ်။ ခမ်းမိုင်နဲ့ ကျွန်တော်လည်း
လမ်းပေါ်မှာပဲ တွေ့ခဲ့ကြရတာ။ ဒီမြို့ကိုရောက်စက လုပ်စရာဘာမှမရှိပေမယ့်
နောက်တစ်ခါလာရင်တော့ ခမ်းမိုင်ကို အရင်လိုက်ရှာရမယ်။ ဒီလိုပဲ စိတ်ကူးကြည့်တာပါ။
အခုထိတော့ ဘာမှမယ်မယ်ရရ လုပ်စရာမရှိသေးဘူး။ နေစရာလည်း ရှာမရသေးဘူး။
ဒီညကို ဘယ်လိုဖြတ်သန်းရမလဲလို့ ကျွန်တော်စဉ်းစားကြည့်တယ်။ ပုံမှန်အတိုင်းဆိုရင်
တည်းခိုခန်းတစ်ခုရှာ၊ ဒါမှမဟုတ် အနွေးရေလေး သောက်၊ အနွေးဓာတ်လေးရလာလို့
ပျင်းတယ်ဆိုရင် အဖော်တစ်ယောက်လောက်ရှာလိုက်ပေ့ါ။ အခုကျ ခက်နေတယ်။
ဒီမြို့ကို တစ်ယောက်တည်းပဲ ထွက်လာခဲ့တာမို့ တစ်ယောက်တည်းပဲဖြစ်နေတယ်လို့ ပြောရမှာ။
ကျွန်တော့်အနားမှာ ခမ်းမိုင်ရှိနေရင်တော့ နှစ်ယောက်ပေါ့။ အခုတော့ တစ်ယောက်တည်းပဲ။
အနောက်မှာ ကျန်နေခဲ့တဲ့ ရထားဘူတာက မမြင်ရတော့ဘူး။ သွားရောပဲ။
မြို့ရဲ့ဘူတာရုံကို နောက်ရထားတစ်စင်းဆိုက်ဖို့ဆိုတာ ဖြစ်ချင်မှလည်း ဖြစ်တော့မှာ။
လမ်းကလည်း ရှည်လိုက်တာ။ ဒီတစ်မြို့လုံးမှာ ဒီတစ်လမ်းပဲ ရှိတယ်။
အဲဒီလမ်းကိုပဲ လျှောက်နေရတာ ဆုံးကို မဆုံးတော့ဘူး။ ဘယ်လို့ မြို့ပါလိမ့်။
(သူ့မြို့ကို ဘယ်လို့မြို့လဲလို့ မေးရင် ခမ်းမိုင်က ဘယ်တော့မှ ပြန်မဖြေဘူး)
ဗိုက်က မဆာဘူး။ စိတ်က ဆာနေတယ်။ နေစရာမရှိဘူး။ ဆိုင်တွေမရှိ။ လမ်းက မဆုံးပြန်။
လူတွေက လမ်းပေါ်မှာ။ ရထားဘူတာက ကျန်ခဲ့ပြီ။ နီယွန်ရောင်တွေက တောက်ပနေတယ်။
ဒီအတိုင်းတော့ မဖြစ်ဘူးလို့ ကျွန်တော် တွေးမိတယ်။ အိတ်ထဲက အပေါစားဟာသ
စာအုပ်တစ်ခုကို လမ်းဘေးဓာတ်တိုင်အောက်မှာ ထိုင်ဖတ်နေရင်ကောင်းမလား။
မရယ်ရပါဘူး။ ဘယ်လောက်ပြောင်မြောက်တဲ့ ဟာသဖြစ်ဖြစ် ဒီအချိန်မှာ မရယ်ရဘူး။
ထပ်ပြောရဦးမယ်။ ဒီမြို့ကလူတွေက ခံစားချက်မဲ့နေကြတယ်။ ငိုလည်း မငိုကြ။ ရယ်လည်း
မရယ်ကြနဲ့။ (ခမ်းမိုင်ကတော့ ကျွန်တော်နဲ့ စကားပြောရင်း မကြာ မကြာ ရယ်တတ်တယ်)
သူရယ်ရင် သွားတက်ကလေးနဲ့ သိပ်လှတယ်လို့ ကျွန်တော် မပြောပါဘူး။
ခမ်းမိုင်က ရယ်တဲ့အခါ… ကျွန်တော့် ရင်မှာ အေးမြသွား… ထပ်ရယ်ပါဦးလား။
ကဗျာခေါင်းစဉ်တပ်ပြီး အဲ့ဒီလိုလည်း ကျွန်တော်မရေးတတ်ပါဘူး။
ပေါတောတောကြီး မဟုတ်လား။
လမ်းပေါ်က လူတစ်ယောက်ကို စကားပြောကြည့်ဖို့ သင့်မယ် ထင်တယ်။
ကျွန်တော့်အတွက်တော့ စွန့်စားမှုတစ်ခုလည်းဖြစ်နိုင်တာပေါ့။ အေဆိုတဲ့ လူတစ်ယောက်နဲ့
တွေ့တယ်။ သူ့မှာ နာမည်မရှိဘူးဆိုလို့ အေလို့ ကျွန်တော်က မှတ်ထားလိုက်တယ်။
“ဒီမှာ ဒီမှာ ”
အေက ကျွန်တော့်ကို တွေခနဲကြည့်တယ်။ ” အင်း”။
” ဒီမြို့နာမည် ဘယ်လိုခေါ်လဲ ”
” မြို့နာမည်….”
” ဘာလုပ်မလို့လဲ”
” သိချင်လို့ပါ ”
” ဘာလို့ သိချင်တာလဲ”
ကျွန်တော် မဖြေတတ်တော့ပါ။ ဒီမြို့ကိုရောက်လာတဲ့ အကြောင်းပြချက် ကျွန်တော့်မှာမှ မရှိတာ။
အေက လှည့်ထွက်သွားတယ်။ ကျွန်တော်လည်း ဒီမြို့ကို ဘာကြောင့်ရောက်လာတာလည်းလို့
စဉ်းစားရင်း လမ်းလယ်မှာ ရပ်နေမိတယ်။ မြို့တစ်မြို့ကိုသွားတဲ့ သူတစ်ယောက်က သူသွားမယ့်
မြို့နာမည်ကိုတော့ သိထားသင့်တယ်လို့ ခင်ဗျားရောထင်သလား။ ကျွန်တော်ဖြင့် မဝေခွဲတတ်ဘူး။
ဒီမြို့ကို ကျွန်တော် ဘာကြောင့်ရောက်လာတာလဲ။ ဘာလုပ်ဖို့လဲ။ ဘာအတွက်လဲ။
(အဲတာတွေ သိသိ၊ မသိသိ အရေးမကြီးပါဘူးလို့ ခမ်းမိုင်က ပြောခဲ့ဖူးတယ်)
မြို့ကို ခြေချလိုက်တဲ့ အချိန်မှာပဲ ခမ်းမိုင်နဲ့ ကျွန်တော် စတွေ့ခဲ့ကြရင်ကောင်းမှာပဲ။
လမ်းပေါ်မှာတော့ လူတွေက ရှိနေတုန်းပဲ။ အေကို မေးတော့ အဆင်မပြေဘူး။
နောက်တစ်ယောက်ကို ထပ်မေးရင်တော့ အဆင်ပြေနိုင်တယ်။ ကျွန်တော် တွေးကြည့်မိတာပါ။
လမ်းလယ်မှာရပ်နေတဲ့ ကျွန်တော့်ကို ၀င်တိုက်မလိုဖြစ်သွားတဲ့ သူတစ်ယောက်ရဲ့လက်ကို
ကျွန်တော်လှမ်းဆွဲလိုက်တယ်။
ဆက်လက်ဖော်ပြပါမည်။
ဟိုတလောက ကျနော် စာလာဖတ်တာ တောကျောင်းဆရာ စာမျက်နှာ ဖွင့်လို့ မရဘူး၊ အခုတော့
ဖွင့်လို့ ရသွားပြီ၊ ဆက်ရန်ကို မျှော်နေမယ် …
ဟားးးးးး အလန်းပါလား.. စိတ်ဝင်စားသွားပြီ..
ခမ်းမိုင်ရေ.. ဆရာလေး ရောက်နေတယ်..။း)
အို ….ခံစားတတ်နေပါရောလား …
အဲ့လိုကြီးမပြောချင်ပါဘူး။အခါတိုင်းမခံစားတတ်တဲ့သူလို့ သတ်မှတ်သလိုဖြစ်နေမှာပေါ့
အေးလေ ငါကလဲ အဲ့လိုမှပြောချင်တာကိုး
နင်ကလဲ အဲ့လိုမဟုတ်ပါဘူး။ဟိုလိုပါလို့ ပြန်ပြောဦးမှာမလား။
အဟဲ…ဘာတွေမှန်းမသိဘူး။ရေးချင်ရာတွေ ရေးထားခဲ့တယ်ဟာ
ဟုတ်သဗျ.. ခုထိလည်း လွမ်းစရာကောင်းသား..
ခမ်းမိုင်သာ သိရင် ဟုတ်လို့လားလို့ မေးမှာ ထင်ပါရဲ့..။
မြန်မြန်လေး ဆက်ပေးပါ =)
ခမ်းမိုင်ရေ… ငါတော့ မျှော်နေမယ်။ စကားပြေ အရေးအသားလေးကို သဘောကျသဗျာ။ တော်တော်လေးကို သဘောကျမိသဗျ
ခမ်းမိုင် အမည်မဖြေတဲ့မြို့လေးကို ရောက်သွားတယ် စိတ်အဆာပြေတွေရောင်းတဲ့ ဈေးတန်းလေးလည်းရောက်ခဲ့ပါတယ်.ဒါပေမဲ့ အဆာမပြေသေးပါ…ဘာမဆိုင်ညာမဆိုင် ကျနော်လည်းခမ်းမိုင်ကို ၀င်လွမ်းသွားပါတယ် ခမ်းမိုင်နဲ့ဆိုင်အောင်..
ကျွန်တော်ရေးတဲ့ ခမ်းမိုင်ဟာ ခင်ဗျားတို့ရဲ့ ခမ်းမိုင်လည်း ဖြစ်နိုင်ပါတယ်…
ကျွန်တော်လွမ်းသလို ခင်ဗျားတို့လည်း လွမ်းတယ်ဆိုလို့
ကျွန်တော် ပိုလို့လွမ်းသွားရပါတယ်