ခမ်းမိုင်ရေ… ငါတော့ လွမ်းတယ် (အပိုင်း ၂)
ဟိုလူက တုံ့ခနဲဖြစ်သွားပြီး အလန့်တဖြန့်ကြည့်တယ်။ ကျွန်တော်က ရယ်မပြတတ်ဘူး။
သူကလည်း ရယ်မပြဘူး။ ဆွဲထားတဲ့ လက်ကိုဖြုတ်လိုက်ရင်း ကျွန်တော်မေးလိုက်တယ်။
ဒါနဲ့ ပြောရဦးမယ်။ ကျွန်တော်လက်ဆွဲမိလိုက်တဲ့ လူမှာလည်း နာမည်မရှိဘူး။
တော်တော်ထူးဆန်းတယ်လို့ ကျွန်တော်ထင်တယ်။ ဒီမြို့ကလူတွေမှာ နာမည်မရှိကြဘူးတဲ့။
(ဒီတစ်မြို့လုံးမှာ ကျွန်တော်နဲ့သိခဲ့တဲ့ ခမ်းမိုင်ဆီမှာပဲ နာမည်ရှိတယ်။ ခမ်းမိုင် တဲ့)
“ဒီမြို့မှာ ခဏတည်းခိုစရာ နေရာတစ်နေရာလောက် ဘယ်မှာရှိလဲ ”
ကျွန်တော့် စိတ်ထဲမှာ ဘီလို့ သတ်မှတ်ထားတဲ့ လူကို မေးလိုက်မိတယ်။
ဘီက သူ့လက်ကို ပွတ်သပ်လိုက်ရင်း ကျွန်တော့်ကိုမေးတယ်။
“ခင်ဗျား ဘယ်က လာခဲ့တာလဲ”
ဘယ်ကလာခဲ့တာလဲတဲ့။ အဲတာမှ ပြဿနာပဲ။
ကျွန်တော်ဘယ်ကလာခဲ့သလဲဆိုတာ ကျွန်တော်ကိုယ်တိုင် မသိဘူး။
“ခင်ဗျားဘယ်ကလာခဲ့သလဲဆိုတာသိမှ နေစရာကို ပြောပြလို့ရမှာ … ”
တွေဝေနေတဲ့ ကျွန်တော့်ကို ကြည့်ရင်း ဘီက ပြောတယ်။ ကျွန်တော့်မှာ ဖြေစရာမရှိ။
တွေတွေကြီးဖြစ်နေတဲ့ ကျွန်တော့်ကို ဘာမှဆက်မမေးမနေတော့ပဲ ဘီကထွက်သွားတယ်။
ဒုက္ခပဲ။
(အဲ့ဒီတုန်းက တစ်ကယ်ကို ဒုက္ခပဲလို့ ငါထင်နေခဲ့တယ် ခမ်းမိုင်)
ကျွန်တော့်အဖြစ်က တစ်ကယ်ကို ဒုက္ခပဲ။ ဘယ်ကလာခဲ့သလဲမသိ။ ဘယ်ကို သွားရမယ်မသိ။
နာမည်မသိတဲ့ မြို့ကိုရောက်နေတယ်။ မြို့ကလူတွေကလည်း နာမည် မရှိကြဘူး။
နာမည်။ နာမည်။ ကျွန်တော့် နာမည်ကရော။ ကျွန်တော့်နာမည်ကို ခမ်းမိုင် သိမှာပေါ့။
လမ်းပေါ်မှာ လူတွေသိပ်မရှိတော့ဘူး။ ကျွန်တော်လည်း ဆက်လျှောက်လာမိတယ်။
အဲ့ဒီတုန်းက ခမ်းမိုင်နဲ့သာ သိနေခဲ့ရင် ခမ်းမိုင်ရေ နင့်ဆီငါလာနေပြီလို့ တွေးနေမိမှာ။
ခမ်းမိုင်ကလည်း သူ့အိမ်တံခါးဝကနေ ကျွန်တော့်ကို မျှော်နေချင် မျှော်နေမှာပေါ့။
ဟို ၀တ္ထုဇာတ်လမ်းတွေထဲက အတိုင်းလေ။ အခုတော့ အဲလိုမဟုတ်ပဲ ဖြစ်နေခဲ့တယ်။
ဒါပေမယ့် စိတ်ချင်းဆက်နွှယ်မှုဆိုတာကို ကျွန်တော်ယုံကြည်တယ်။
ကျွန်တော်ယုံကြည်သလို ခမ်းမိုင်လည်း ယုံကြည်မှာပါ။ ဒါကြောင့် ကျွန်တော်တို့ တွေ့ခဲ့ကြတာ။
(ခမ်းမိုင်ရေ အခုချိန်ထိ ငါယုံကြည်နေဆဲပါပဲ ဟာ… )
ခမ်းမိုင်တို့ မြို့ကလေးရဲ့ အလယ်မှာ စမ်းချောင်းကလေးရှိတယ်။
သစ်တောအုပ်အုပ်ကလေးတွေလည်းရှိတယ်။
စိမ်းညို့တဲ့ တောင်တန်းကြီးတွေလည်း ရှိတယ်။
နောက် ခမ်းမိုင်လည်း ရှိတယ်။
(အဲ့ဒီညက ကောင်းကင်မှာ ကြယ်တွေစုံနေခဲ့တယ်မဟုတ်လား ခမ်းမိုင်)
ကိုအောင်ရဲ့ သီချင်းတွေကို ကျွန်တော်ကြိုက်တတ်တာ ခမ်းမိုင် သိလို့နေမှာပေါ့။
ဒီမြို့ကလေးမှာ အလင်းဆိုင်တွေရှိရင် သိပ်ကောင်းမှာပဲ ခမ်းမိုင် . . . ရေ။
လမ်းပေါ်မှာ။ ကျွန်တော်တစ်ယောက်တည်း လျှောက်လာလိုက်တာ
စီလို့သတ်မှတ်မိတဲ့ လူတစ်ယောက်နဲ့ ထပ်တွေ့တယ်။ မထူးပါဘူး။ ဘာမှမထူးပါဘူး။
အေရယ်၊ ဘီရယ်၊ စီရယ်။ သူတို့သုံးယောက်ဆီက တုံ့ပြန်မှုတွေဟာ အတူတူပဲ ဖြစ်နေခဲ့တယ်။
နှိုင်းရသီအိုရီအရဆို ကျွန်တော့်ထွက်ပေါက်ပိတ်သွားခဲ့တဲ့ သဘောပါပဲ။
(ဒီလိုအပြောမျိုးတွေဆို ခမ်းမိုင်က သဘောမကျဘူး . . .)
ဖြစ်နေတဲ့ အခြေအနေမှာ အကြောင်းပြချက်ထုတ်နေတာမျိုးကို ခမ်းမိုင်က မကြိုက်ဘူး။
ကျွန်တော့်အတွက်တော့ ခဏလေးလို့လည်း ပြောလို့ရတယ်။
အကြာကြီးလည်းဖြစ်နေတယ်။ ညနေက ဒီမြို့ကို ရောက်လာခဲ့တယ်။
ညရောက်လာတဲ့အထိ ကျွန်တော့်အခြေအနေက ဘာမှ မရေရာသေးဘူး။
အချိန်တွေကြာလာတယ်။ စိတ်ဓာတ်ကျလာ သလိုပဲ။ မြို့ခံလူတွေနဲ့
ကျွန်တော့်ကြားမှာ နားလည်မှုပျောက်ဆုံးနေသလို။ ဘာသာစကားလည်း
ပျောက်ဆုံးနေတယ်။ ဟုတ်တယ်။ ဘာသာစကား။ နားလည်မှု။
(ခမ်းမိုင် ရယ် .. နင်နဲ့ငါ့ကြားမှာတော့ ဘာသာစကားရော၊
နားလည်မှုရော တူခဲ့တယ်မဟုတ်လား…)
ကြယ်တွေလေ။ ရုတ်တရက် ပျောက်သွားတယ်။ ကျွန်တော့်ရင်တွေ ပူလာတယ်။
လူတစ်ချို့က ကျွန်တော့်ကို စူးစူးရဲရဲကြည့်တယ်။ သူတို့မျက်လုံးတွေ။ မျက်လုံးတွေက
ရန်လိုနေကြတယ်လို့ ကျွန်တော်ထင်တယ်။
မိုက်နေအောင်ကို ညက မှောင်လာတယ်။ မည်းလာတယ်။
တခြားသူတွေကို သဲသဲကွဲကွဲ မမြင်ရတော့ဘူး။
ပြောရရင်။ ကျွန်တော် ငိုချင်လာမိတယ်။ မဟုတ်ဘူး။ ကျွန်တော် ငိုခဲ့တာ။
အဲ့အချိန်တုန်းက ခမ်းမိုင်သာ ကျွန်တော့်ကို ကြည့်နေမယ်ဆိုရင် ဘယ်လိုထင်မလဲ။
ကျွန်တော့်စိတ်ထဲမှာ ဘာမှမရှိတော့သလိုပဲ။
မြို့ကိုရောက်စက ဘယ်သွားရမလဲ မသိဖြစ်နေရာကနေ
ကျွန်တော့်ကို ကျွန်တော် ပျောက်ဆုံးလာသလိုဖြစ်လာတယ်။
မြို့ခံလူတွေရဲ့ အကြည့်ဒဏ်ကို ကျွန်တော်မခံနိုင်တော့တဲ့ အထိဖြစ်လာတယ်။
ကျွန်တော့်ပါးစပ်က စကားလုံးတွေ အထွေးလိုက် အထွေးလိုက်။
လည်ချောင်းထဲ ပြန်ပြန်ဆင်းနေတယ်။ ကျွန်တော့်မျက်စိတွေ ပိတ်လိုက်ချင်ပြီ။
ဒီမြို့မှာ ကျွန်တော် ပျောက်ဆုံးရတော့မယ်။ ပျောက်ဆုံးရလိမ့်မယ်။
(ခမ်းမိုင်သာ ရောက်မလာခဲ့ဘူး ဆိုရင်ပေါ့ . . .)
ဆက်လက်ဖော်ပြပါမည်။
ဆရာတောကျောင်းရယ်…မယောင်မလည်နဲ့ ရောက်သွားတဲ့မြို့ မှာတောင် “သစ်တောအုပ်အုပ်ကလေးတွေလည်းရှိတယ်။
စိမ်းညို့တဲ့ တောင်တန်းကြီးတွေလည်း ရှိတယ်။” ဆိုပါလား။ ပြန်ပေါ်လာလို့ ဝမ်းသာပါ၏။ စောင့်ဖတ်နေပါတယ်။ ခမ်းမိုင်ကိုလည်း လွမ်းသွားတယ်။ ဒါနဲ့ ခမ်းမိုင် ဆိုတာရှမ်းလို ဘာဓိပ္ပါယ်လဲမသိဘူးနော်။ “ရွှေမှုံ” လား
ဒီနေ့တော့ အားလပ်နေတာနဲ့ ခမ်းမိုင်တို့မြို့က စမ်းချောင်းလေးထဲ ရေကူးသွားပါတယ် တကယ်က အေးလေးလူလူ ငါးလေးမျှား ငါးကင်လေးနဲ့ စာအုပ်လေး တအုပ်ဖတ်နေချင်တယ်ဗျာ ကျနော်ကိုပဲ
ငါးတွေကလိုက်မြှားနေလို့ ရေကူးပြီးပြန်သွားပါ.ဟို စကားပုံလေးလိုဗျာ..ငါးမရရေချိူးပြန် တာမဟုတ်ပါဘူး
ရေးလည်းချိူးချင် ငါးလည်းမရ တာပါ. ကျနော်ခမ်းမိုင်တို့မြို့လေးမှာ ပဲ တည်းခိုရာမရှိ အိမ်တအိမ် အိမ်ရဲ့
(သဘောကောင်းပုံရတဲ့ အိမ်ပေါ့ဗျာ)တံစက်မိတ်လေးအောက်မှာဝင်အိပ်ရင်း ကျနော့်ရဲ့ မရှိတဲ့ခမ်းမိုင်ကို
အိပ်မက်မက်နေပါတယ်.
ကျွန်တော်က တောကျောင်းဆရာကို ပိုလွမ်းနေတာ …အဲဒီမြို့ကို နောက်တစ်ခါသွားရင်
ကျွန်တော့်ပါ ခေါ်ပါဗျာ အဲဒါဆို ဆရာတောကျောင်း နှိုင်းရသီအိုရီအရ ထွက်ပေါက် မပိတ်နိုင်တော့ဘူးပေါ့… !
လာရောက်လည်ပတ် ဖတ်မှတ်သွားပါတယ်ရှင်။ ဗဟုသုတများရတဲ့အတွက်လည်း ကျေးဇူးအများကြီးတင်မိပါတယ်။ နောက်လည်း လာခဲ့ပါဦးမယ်။
I miss “Khan Mai” too. Well….the town sound like “Kaut Khing” from norther Shan State.
ဆရာတော…
ခမ်းမိုင်း အပိုင်း-၃ ကိုမျှော်လင့်လျှက်ပါ ။
ဇာတ်လမ်းတစ်ခုလုံးက အိပ်မက်ဆန်တယ် ။
ဇာတ်ကောင်ဟာ အခုထိတော့ အိပ်မက်ထဲမှာ လမ်းလျှောက်နေတယ် ။
ခမ်းမိုင်းနဲ့ဘယ်တော့တွေ့မှာလဲ…ဆိုတော့
ခမ်းမိုင်းနဲ့တွေ့ မယ့်ဇာတ်ကွက်ဟာလည်း အိပ်မက်တစ်ခုလိုဖြစ်မလား တွေးမိပါတယ် ။
အိပ်မက်တစ်ခုကို မအိပ်စက်ပဲစောင့်နေပါတယ် ။
ပိတ်ရက်မှပဲအေးဆေးဖတ်တော့မယ်။ မြည်းသွားပါတယ်ဆရာ။
ဆရာတောကျောင်းရဲ့ ခမ်းမိုင်(၃)ကိုလွမ်းနေပါတယ်.