မနေ့ကမှ အသိတစ်ယောက်ပြောလို့ သိလိုက်ရတာ။ ဖြစ်ပုံက mmblogpress ကနေ ဦးဆောင် လုပ်နေတဲ့ ဘလော့အကယ်ဒမီစာရင်းမှာ တောကျောင်းဆရာ ဘလော့ပါနေပါတယ်။
ခက်တာက အဲဒီမှာပါဝင်ဖို့ ကျွန်တော့်အနေနဲ့ စာရင်းပေးထားခဲ့ခြင်း မရှိပါဘူး။ မနှစ်တုန်း ကတော့ mmblogpressက ရွေးပြီးထည့်ထားတာဆိုတော့ သူ့အတိုင်းထား လိုက်ပါတယ်။ ဒီနှစ်ကျတော့ အဲ့ဒီအစီစဉ်မှာ မပါချင်ဘူး ဖြစ်နေတယ်။ နောက်ပြီး ကိုယ်ဘလော့ကို ကိုယ်တိုင်စာရင်းပေးရမယ် ဆိုတော့ကား ကိုယ်မပေးရင် မပါဘူးလို့ သဘောထားလိုက်မိတယ်။ ဒါမယ့် စာရင်းကပါလာတယ်။ ဖြစ်နိုင်တာက စာဖတ်သူတစ်ယောက်က ကျွန်တော့်ကိုယ်စား စာရင်းပေးလိုက်တာ ဖြစ်နိုင်ပါတယ်။
ပြောချင်တာကတော့ ဒီဘလော့အကယ်ဒမီမှာ စာရင်းသွင်းပေးထားတဲ့ စာဖတ်သူ၊ နောက်မဲပေး ထားကြတဲ့ စာဖတ်သူတွေ၊ အားလုံးကို ကျေးဇူးတင်ပါတယ်။ ဒီအစီအစဉ်မှာ ကျွန်တော်တို့ ပါဝင်ဖို့ သိပ်မလိုအပ်ဘူးထင်လို့ မပါဝင်တာပါ။ ကျွန်တော်တို့လို့ အားတိုင်းယားတိုင်း စာရေး နေကြသူတွေအတွက် မလိုအပ်ဘူးထင်တာကြောင့် ဆိုရင်လည်း ပိုမှန်ပါလိမ့်မယ်။ ဒါကြောင့်မို့ ဒီနေ့မနက်ပိုင်းကပဲ သူတို့ဆီ အကြောင်းကြားပြီး စာရင်းက ပယ်ခိုင်းလိုက်ပါတယ်။ သူတို့ကလည်း အချိန်တို အတွင်းမှာပဲ ပယ်ဖျက်ပေးပါတယ်။ ဒီလို ဘလော့အကယ်ဒမီလုပ်တဲ့ mmblogpress ကို ကျေးဇူးတင်ပါတယ်။ သူတို့လည်း လုပ်ရတာ သိပ်လွယ်မှာမဟုတ်ပါဘူး။ အခြားစာဖတ်သူ အားလုံးကိုလည်း ကျေးဇူးတင်ပါတယ်။ ဒီစာကိုလည်း လိုအပ်မယ်ထင်လို့ ရေးလိုက်တာပါ။ တခြားရည်ရွယ်ချက် မရှိပါခင်ဗျား။ ကျေးဇူးတင်ပါတယ်။
စာဖတ်သူများကိုခင်မင်စွာဖြင့်
တောကျောင်းဆရာ
One Comment